കൊവിഡ്19 വൈ​റ​സു​ക​ള്‍ വാ​യു​വി​ലൂ​ടെ രോഗം പരത്തുമെന്ന വാദത്തിന് തെ​ളി​വി​ല്ലെ​ന്ന് ഇ​ന്ത്യ​ന്‍ കൗ​ണ്‍​സി​ല്‍ ഓ​ഫ് മെ​ഡി​ക്ക​ല്‍ റീസേര്‍ച്ച്‌ റിപ്പോർട്ട്. വാ​യു​വി​ലൂ​ടെ പ​ക​രുന്ന സാഹചര്യമാണ് ഉണ്ടായിരുന്നതെങ്കില്‍ രോഗബാധ സ്ഥിരീകരിച്ചവരുടെ കു​ടും​ബ​ങ്ങ​ളി​ലെ എ​ല്ലാ​വ​ര്‍​ക്കും രോഗം വരേണ്ടതായിരുന്നുവെന്നും ഐ.​സി​.എം​.ആ​റി​ലെ ഉന്നത ശാ​സ്ത്ര​ജ്ഞ​നായ ഡോ. ​ര​മ​ണ്‍ ആ​ര്‍. ഗം​ഗാ​ഖേ​ദ്ക​ര്‍ വ്യക്തമാക്കി.

കൊവിഡ് 19 രോഗബാ​ധി​ത​ര്‍ ചി​കി​ത്സ​യി​ല്‍ ക​ഴി​ഞ്ഞ ആ​ശു​പ​ത്രി​ക​ളി​ലെ മ​റ്റു രോ​ഗി​കളെ രോഗം ബാധിച്ചതായി കണ്ടെത്തിയിട്ടില്ലെന്നും അതിനാൽ കൊ​റോ​ണ വാ​യു​വി​ലൂ​ടെ പ​ക​രു​മെ​ന്ന വാ​ദ​ത്തി​ന് അ​ടി​സ്ഥാ​ന​മി​ല്ലെ​ന്നും വാ​ര്‍​ത്താ​സ​മ്മേ​ള​ന​ത്തി​ല്‍ അ​ദ്ദേ​ഹം പ​റ​ഞ്ഞു. കേ​ന്ദ്ര ആ​രോ​ഗ്യ മ​ന്ത്രാ​ല​യ ജോ​യി​ന്‍റ് സെ​ക്ര​ട്ട​റി ലാവ് അ​ഗ​ര്‍​വാ​ളി​നൊ​പ്പ​മാ​യി​രു​ന്നു വാ​ര്‍​ത്താ​സ​മ്മേ​ള​നത്തില്‍ പങ്കെടുത്തത്.

കൊ​റോ​ണ വാ​യു​വി​ലൂ​ടെ​യും പ​ക​രു​മെ​ന്ന് യു​.എ​സ് പ​ക​ര്‍​ച്ച​വ്യാ​ധി വ​കു​പ്പ് ത​ല​വ​ന്‍ അ​ന്തോ​ണി ഫൗച്ചി പ്രസ്താവന നടത്തിയിരുന്നു. എ​ന്നാ​ല്‍ ഈ ​വാ​ദ​ങ്ങ​ളെ ത​ള്ളു​ക​യാ​ണ് ഇപ്പോള്‍ ഐ​.സി​.എം​.ആ​ര്‍. ലോകാരോഗ്യ സംഘടനയും അ​ന്തോ​ണി ഫൗച്ചിയുടെ വാദങ്ങള്‍ക്ക് വിരുദ്ധമായ നിലപാടാണ് സ്വീകരിച്ചിരുന്നത്.

അതേസമയം രാജ്യത്ത് കൊറോണ ബാധിതരുടെ എണ്ണം 3577 ആയി. കഴിഞ്ഞ 24 മണിക്കൂറിനിടെ 505 പേര്‍ക്കാണ് രോഗം സ്ഥിരീകരിച്ചത്.. ആകെ 83 പേര്‍ മരിച്ചതായി കേന്ദ്ര ആരോഗ്യ-കുടുംബക്ഷേമ മന്ത്രാലയം അറിയിച്ചു. തബ് ലീഗ് ജമാഅത്ത് സമ്മേളനം നടന്ന നിസാമുദ്ദീനിലെ മര്‍കസ് രാജ്യത്തെ പ്രധാന രോഗവ്യാപനകേന്ദ്രമായി ആരോഗ്യമന്ത്രാലയം പ്രഖ്യാപിച്ചു. സമ്മേളനത്തില്‍ പങ്കെടുത്തവരും അവരുമായി സമ്ബര്‍ക്കം പുലര്‍ത്തിയതുമായ ഇരുപത്തിരണ്ടായിരം പേര്‍ നിരീക്ഷണത്തിലാണ്. കേരളം ഉള്‍പ്പെടെ 17 സംസ്ഥാനങ്ങളിലെ രോഗബാധിതരുടെ നിരക്ക് കുത്തനെ കൂടാന്‍ സമ്മേളനം ഇടയാക്കിയെന്നും ആരോഗ്യമന്ത്രാലയം വിലയിരുത്തി.

ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്ത മഹാരാഷ്ട്രയില്‍ രേരാഗബാധിതരുടെ എണ്ണം 690 ആയി ഉയര്‍ന്നു. ഇതുവരെ 275 പേര്‍ രോഗമുക്തി നേടി.ശനിയാഴ്ച മുതല്‍ 11 മരണങ്ങള്‍ ഉണ്ടായിട്ടുണ്ടെന്ന് മന്ത്രാലയ ജോയിന്റ് സെക്രട്ടറി ലവ് അഗര്‍വാള്‍ വാര്‍ത്താസമ്മേളനത്തില്‍ അറിയിച്ചു. രാജ്യത്തൊട്ടാകെയുള്ള 274 ജില്ലകളില്‍ കുറഞ്ഞത് ഒരു പോസിറ്റീവ് കേസെങ്കിലും റിപ്പോര്‍ട്ട് ചെയ്തിട്ടുണ്ടെന്നും അദ്ദേഹം അറിയിച്ചു. ഇന്ത്യയില്‍ കൊവിഡ് കേസുകള്‍ ഇരട്ടിയാകുന്നതിനുള്ള നിരക്ക് നിലവില്‍ 4.1 ദിവസമാണ്. എന്നാല്‍ തബ്‌ലീഗ് ജമാഅത്തുമായി ബന്ധപ്പെട്ട കേസുകള്‍ ഉണ്ടായില്ലായിരുന്നുവെങ്കില്‍ ഇത് 7.4 ദിവസമാകുമായിരുന്നുവെന്നും ആരോഗ്യ മന്ത്രാലയം അറിയിച്ചു.