കോവിഡ്-19 വ്യാപനം തടയുന്നതില് അടുത്ത മൂന്നുനാലാഴ്ചകള് വളരെ നിര്ണായകമാണെന്ന് പ്രധാനമന്ത്രി... അടച്ചിടല് ലംഘിക്കുന്നത് കര്ശനമായി നേരിടുകയും സാമൂഹിക അകലം പാലിക്കുന്നുണ്ടെന്ന് ഉറപ്പാക്കുകയും വേണമെന്ന് വീഡിയോ കോണ്ഫറന്സിനൊടുവില് പ്രധാനമന്ത്രിയുടെ നിര്ദ്ദേശം
കോവിഡ്-19 വ്യാപനം തടയുന്നതില് അടുത്ത മൂന്നുനാലാഴ്ചകള് വളരെ നിര്ണായകമാണെന്ന് പ്രധാനമന്ത്രി നരേന്ദ്രമോദി. രാജ്യവ്യാപക അടച്ചിടലിനുശേഷം കേന്ദ്രവും സംസ്ഥാനങ്ങളും ഒറ്റക്കെട്ടായി നടത്തിയ പരിശ്രമങ്ങള്കൊണ്ട് കോവിഡിന്റെ പ്രത്യാഘാതങ്ങള് കുറഞ്ഞുവെന്ന് മുഖ്യമന്ത്രിമാരുമായുള്ള ചര്ച്ചയില് പ്രധാനമന്ത്രി പറഞ്ഞു. രണ്ടാഴ്ചകൂടി അടച്ചിടല് നീട്ടണമെന്ന ധാരണയാണ് പൊതുവില് ഉണ്ടായിരിക്കുന്നത്. അടച്ചിടല് ലംഘിക്കുന്നത് കര്ശനമായി നേരിടുകയും സാമൂഹിക അകലം പാലിക്കുന്നുണ്ടെന്ന് ഉറപ്പാക്കുകയും വേണമെന്ന് വീഡിയോ കോണ്ഫറന്സിനൊടുവില് പ്രധാനമന്ത്രി നിര്ദേശിച്ചു.കോവിഡ് ചികിത്സയ്ക്കുള്ള മരുന്നിന്റെ ലഭ്യതയില് ആശങ്കവേണ്ട. ആവശ്യത്തിനുള്ള മരുന്ന് സ്റ്റോക്കുണ്ട്.
കമ്പോളങ്ങളിലെ ആള്ക്കൂട്ടം ഒഴിവാക്കാന് ഉത്പന്നങ്ങളുടെ നേരിട്ടുള്ള വില്പന പ്രോത്സാഹിപ്പിക്കണം. നിലവിലെ കാര്ഷികോത്പാദന വിപണന സമിതി നിയമത്തില്(എ.പി.എം.സി) മാറ്റം അനിവാര്യമാണ്.ആരോഗ്യമേഖലയുമായി ബന്ധപ്പെട്ട അടിസ്ഥാന സൗകര്യങ്ങള് വികസിപ്പിക്കുകയും ടെലി മെഡിസിനിലൂടെ രോഗികളിലെത്തുകയും വേണം.
ആരോഗ്യരംഗത്ത് പ്രവര്ത്തിക്കുന്നവര്ക്കുള്ള സാധനസാമഗ്രികളുടെ ലഭ്യതയും ഉറപ്പുവരുത്തും. ഈ ഘട്ടത്തില് അവശ്യസാധനങ്ങളുടെ പൂഴ്ത്തിവെപ്പും കരിഞ്ചന്തയും കര്ക്കശമായി തടയുകയും കുറ്റക്കാര്ക്കെതിരേ കടുത്ത നടപടികളെടുക്കുകയും വേണം. ഡോക്ടര്മാര്ക്കും ആരോഗ്യപ്രവര്ത്തകര്ക്കും നേരെ നടക്കുന്ന ആക്രമങ്ങള് വെച്ചുപൊറുപ്പിക്കരുത്.
കോവിഡ് ബാധയുള്ളവരെ തിരിച്ചറിയാന് വികസിപ്പിച്ച ആരോഗ്യസേതു ആപ് കൂടുതല് ആളുകള് ഡൗണ്ലോഡ് ചെയ്യുകയും അത് ജനകീയമാക്കുകയും വേണം. ഒരിടത്തുനിന്ന് മറ്റൊരിടത്തേക്കുപോകാനുള്ള ഇ-പാസായി അതിനെ മാറ്റാനാവും -പ്രധാനമന്ത്രി പറഞ്ഞു.
https://www.facebook.com/Malayalivartha
