പ്രധാന്‍മന്ത്രി ഉജ്ജ്വല്‍ യോജന ഗുണഭോക്താക്കള്‍ക്ക് ഏപ്രില്‍ ഒന്നു മുതല്‍ ജൂണ്‍ 30 വരെയുള്ള മൂന്നു മാസ കാലത്തേക്കുള്ള സൗജന്യ പാചക വാതക സിലിണ്ടറുകള്‍ ലഭ്യമാക്കി തുടങ്ങിയതായി ഇന്ത്യന്‍ ഓയില്‍ കോര്‍പറേഷന്‍
പ്രധാന്‍മന്ത്രി ഉജ്ജ്വല്‍ യോജന ഗുണഭോക്താക്കള്‍ക്ക് ഏപ്രില്‍ ഒന്നു മുതല്‍ ജൂണ്‍ 30 വരെയുള്ള മൂന്നു മാസ കാലത്തേക്കുള്ള സൗജന്യ പാചക വാതക സിലിണ്ടറുകള്‍ ലഭ്യമാക്കി തുടങ്ങിയതായി ഇന്ത്യന്‍ ഓയില്‍ കോര്‍പറേഷന്‍ അറിയിച്ചു. റീഫില്‍ സിലിണ്ടറിന്റെ ഏപ്രില്‍ മാസത്തെ വില ഉജ്ജ്വല്‍ ഗുണഭോക്താക്കളുടെ പി.എം.യു.വൈ ബാങ്ക് അക്കൗണ്ടുകളിലേക്ക് ട്രാന്‍സ്ഫര്‍ ചെയ്തിട്ടുണ്ട്. ആദ്യത്തെ സൗജന്യ സിലിണ്ടര്‍ വാങ്ങാന്‍ മാത്രമേ തുക വിനിയോഗിക്കാന്‍ പാടുള്ളൂ. റീഫില്‍ ബുക്കിംഗ് ഐ.വി.ആര്‍.എസ്, രജിസ്റ്റേര്‍ഡ് മൊബൈല്‍ ഫോണ്‍ എന്നിവ വഴിയാണ് നടത്തേണ്ടത്.
ആദ്യ സിലിണ്ടറിന്റെ പണം അതിനുവേണ്ടി ഉപയോഗിക്കാത്തവര്‍ക്ക് രണ്ടാമത്തെ സൗജന്യ സിലിണ്ടറിനുള്ള പണം, ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്യുന്നതല്ല. പദ്ധതിയില്‍ ഇതുവരെ പങ്കാളികളല്ലാത്തവര്‍ക്കും കാലിയായ സിലിണ്ടറുകള്‍ ഉള്ളവര്‍ക്കും സ്‌കീമില്‍ ചേരാന്‍ അവസരമുണ്ട്.
https://www.facebook.com/Malayalivartha
