കൊവിഡ് നിയന്ത്രണങ്ങള് മൂലം യാത്രക്കാർ ഇല്ലാതായതോടെ യാത്രാ ട്രെയിനുകള് കൂട്ടത്തോടെ റദ്ദാക്കപ്പെട്ടിരിക്കുന്ന സാഹചര്യമാണ് ഇന്ത്യൻ റെയിൽവേയിൽ ഇപ്പോൾ ഉള്ളത് . അതുകൊണ്ടു തന്നെ ചരിത്രപരമായ അഴിച്ചുപണിയ്ക്ക് ഒരുങ്ങിയിരിക്കുകയാണ് സര്ക്കാര്
കൊവിഡ് നിയന്ത്രണങ്ങള് മൂലം യാത്രക്കാർ ഇല്ലാതായതോടെ യാത്രാ ട്രെയിനുകള് കൂട്ടത്തോടെ റദ്ദാക്കപ്പെട്ടിരിക്കുന്ന സാഹചര്യമാണ് ഇന്ത്യൻ റെയിൽവേയിൽ ഇപ്പോൾ ഉള്ളത് . അതുകൊണ്ടു തന്നെ ചരിത്രപരമായ അഴിച്ചുപണിയ്ക്ക് ഒരുങ്ങിയിരിക്കുകയാണ് സര്ക്കാര്.
പഴയ ടൈം ടേബിളിൽ ഓടിയിരുന്ന ട്രെയിനുകള് സ്പെഷ്യൽ ട്രെയിനുകള്ക്ക് വഴി മാറുകയും പാളങ്ങളിൽ തിരക്കു കുറയുകയും ചെയ്ത സാഹചര്യത്തിൽ ട്രെയിൻ സമയത്തിൽ വരുന്ന അപാകതകളും ഹാള്ട്ടുകളും ഒഴിവാക്കാനാണ് ശ്രമം. കൊവിഡ് മൂലം വൈകുമെന്ന് പ്രതീക്ഷിച്ചെങ്കിലും ഈ പദ്ധതി വേഗത്തിൽ നടപ്പാക്കാനാണ് ശ്രമമെന്നാണ് ഉന്നത റെയിൽവേ വൃത്തങ്ങള് പറയുന്നത്.
പുതിയ മാറ്റങ്ങള് പ്രാബല്യത്തിൽ വരുന്നതോടെ രാജ്യത്തെ മെയിൽ ട്രെയിനുകളുടെയും എക്സ്പ്രസ് ട്രെയിനുകളുടെയും ഹാള്ട്ടിൽ വലിയ കുറവുണ്ടാകും. ഇതോടെ ട്രെയിനുകള് തമ്മിലുള്ള ഇടവേളയിലും ടൈം ടേബിളിൽ തന്നെയും വലിയ മാറ്റങ്ങളുണ്ടായേക്കും. യാത്രാസമയത്തിലും ഗണ്യമായ കുറവുണ്ടാകുമെന്നാണ് പ്രതീക്ഷ.
സ്റ്റേഷനുകളിൽ നിന്നുള്ള യാത്രക്കാരുടെ എണ്ണം പരിഗണിച്ച് ചില എക്സ്പ്രസ് ട്രെയിനുകള് നിര്ത്താനും റെയിൽവേ പദ്ധതിയിടുന്നുണ്ടെന്നാണ് റിപ്പോർട്ടുകൾ ...
കൊവിഡിനു ശേഷമുള്ള റെയിൽവേയുടെ പുതിയ ടൈം ടേബിളിൽ സ്വകാര്യ ട്രെയിനുകള്ക്കും സ്ഥാനമുണ്ടാകും എന്നതാണ് ഏറ്റവും വലിയ മാറ്റം . 151 ട്രെയിനുകളായിരിക്കും സ്വകാര്യ ഓപ്പറേറ്റര്മാര് സര്വീസ് നടത്തുക. ഇതോടെ റയിൽവേ യിൽ സ്വകാര്യ പങ്കാളിത്തം നിലവിൽ വരും .
ഇന്ത്യന് റെയില്വേയില് ആദ്യമായാണ് യാത്രാതീവണ്ടി സര്വീസിന് സ്വകാര്യ മേഖലയ്ക്ക് അവസരം നല്കുന്നത്. ഇതിന്റെ തുടക്കം എന്ന നിലയില് കഴിഞ്ഞ വര്ഷം ലക്നൗ-ഡല്ഹി പാതയില് തേജസ് എക്സ്പ്രസ് സര്വീസ് ആരംഭിച്ചിരുന്നു....കൂടുതൽ നോൺസ്റ്റോപ്പ് ട്രെയിനുകള് ഓടിക്കാനും റെയിൽവേ പദ്ധതിയിടുന്നുണ്ട്.
റെയില്വേയുടെ 12 ക്ലസ്റ്ററുകളിലെ 109 റൂട്ടുകളിലാണ് സ്വകാര്യ തീവണ്ടി സര്വീസ് ആരംഭിക്കുക. മേക്ക് ഇന് ഇന്ത്യ പദ്ധതി പ്രകാരം ഇന്ത്യയില്ത്തന്നെ നിര്മിക്കുന്നവയായിരിക്കും ഈ തീവണ്ടികളെല്ലാം. ഓരോ തീവണ്ടിക്കും 16 കോച്ചുകള് വീതമുണ്ടാകും......ഇവയുടെ നിര്മാണം, പ്രവര്ത്തനം, പരിപാലനം തുടങ്ങിയവയെല്ലാം സ്വകാര്യ കമ്പനിയുടെ ഉത്തരവാദിത്തമായിരിക്കും.......
അതേസമയം, സ്വകാര്യ ട്രെയിനുകള്ക്ക് കൂടുതൽ റൂട്ടുകള് അനുവദിക്കുന്നതിൽ മുന്നറിയിപ്പുമായി ചില ഉദ്യോഗസ്ഥര് തന്നെ രംഗത്തെത്തിയിട്ടുണ്ട്. സ്വകാര്യ ഓപ്പറേറ്റര്മാര്ക്ക് ലാഭകരമായ റൂട്ടുകള് അനുവദിക്കുന്നത് റെയിൽവേയുടെ വരുമാനത്തിൽ നഷ്ടമുണ്ടാക്കുമെന്നും വ്യോമമേഖലയിൽ സ്വകാര്യ കമ്പനികള് വന്നപ്പോള് എയര് ഇന്ത്യയ്ക്ക് ഉണ്ടായ അവസ്ഥ റെയിൽവേയ്ക്ക് ഉണ്ടാകരുതെന്നുമാണ് ഇവരുടെ മുന്നറിയിപ്പ്.
https://www.facebook.com/Malayalivartha
