ചൈനയെ പാഠം പഠിപ്പിക്കാനൊരുങ്ങി ഇന്ത്യ... ഇന്ത്യയില് പ്രവര്ത്തിക്കുന്ന ചൈനീസ് കമ്പനികള്ക്ക് ചൈനയിൽ നിന്നുള്ള ഇറക്കുമതികൾക്ക് അനുമതികൾ വൈകുന്നു. രാജ്യത്തെ ഗുണനിലവാരം ഉറപ്പാക്കുന്ന ബിഐഎസ് പോലുള്ള ഏജന്സികളുടെ അനുമതി ചൈനീസ് കമ്പനികൾക്ക് ലഭിക്കുന്നതിനാണ് കാലതാമസം വരുന്നത്
ചൈനയെ പാഠം പഠിപ്പിക്കാനൊരുങ്ങി ഇന്ത്യ... ഇന്ത്യയില് പ്രവര്ത്തിക്കുന്ന ചൈനീസ് കമ്പനികള്ക്ക് ചൈനയിൽ നിന്നുള്ള ഇറക്കുമതികൾക്ക് അനുമതികൾ വൈകുന്നു. രാജ്യത്തെ ഗുണനിലവാരം ഉറപ്പാക്കുന്ന ബിഐഎസ് പോലുള്ള ഏജന്സികളുടെ അനുമതി ചൈനീസ് കമ്പനികൾക്ക് ലഭിക്കുന്നതിനാണ് കാലതാമസം വരുന്നത് എന്ന് ദേശീയ വാർത്താ ഏജൻസി റിപ്പോർട്ട് ചെയ്യുന്നു.
ഇതുമൂലം ഇന്ത്യയില് പ്രവര്ത്തിക്കുന്ന പല ചൈനീസ് കമ്പനികള്ക്കും ഷവോമി പോലുള്ള മൊബൈല് അടക്കം തങ്ങളുടെ ഉല്പ്പന്നങ്ങള് ഏറെ വൈകിയാണു ലഭിക്കുന്നത്. അതിർത്തിയിലെ ചൈനീസ് പ്രകോപനത്തിനു തിരിച്ചടിയായി രാജ്യത്തെ ചൈനീസ് ഉത്പന്നങ്ങളുടെ ഇറക്കുമതിയില് സ്വീകരിക്കുന്ന കര്ശന നിലപാടുകളുടെ ഫലമാണ് ഇതെന്നും ചൂണ്ടിക്കാണിക്കപ്പെടുന്നു.
ബ്യൂറോ ഓഫ് ഇന്ത്യന് സ്റ്റാന്റേര്ഡിന്റെ വിവിധ അനുമതികള് വൈകുന്നത് മൂലം ഇന്ത്യയില് പ്രവര്ത്തിക്കുന്ന ഷവോമി ,ഓപ്പോ, തുടങ്ങിയ കമ്പനികള്ക്ക് മൊബൈല് അനുബന്ധ ഉപകരണങ്ങള്, ടെലിവിഷന് എന്നിവ ആഴ്ചകളോളം വൈകിയെന്നാണ് റിപ്പോർട്ട് ..എന്നാൽ വിഷയത്തിൽ ബിഐഎസ് ഡയറക്ടര് പ്രമോദ് കുമാര് തിവാരിയോ, ചൈനീസ് വാണിജ്യ വിദേശകാര്യ മന്ത്രാലയങ്ങളോ പ്രതികരിക്കാന് തയ്യാറായിട്ടില്ല
ഇറക്കുമതിയിലൂടെ രാജ്യത്ത് എത്തുന്ന ഗുണനിലവാരം ഇല്ലാത്ത സാധനങ്ങളുടെ വരവ് തടയുമെന്നും ഗുണനിലവാരം ഉറപ്പാക്കുമെന്നും കേന്ദ്രം നേരത്തെ തന്നെ വ്യക്തമാക്കിയിരുന്നു. കളിപ്പാട്ടങ്ങൾക്കും ഗൃഹോപകരണങ്ങൾക്കും ഇറക്കുമതിക്ക് ലൈസൻസ് നിര്ബന്ധമാക്കാൻ കേന്ദ്ര സര്ക്കാര് നീക്കം തുടങ്ങി
വ്യാപാര രംഗത്തും ചൈനീസ് ഉല്പന്നങ്ങൾക്കും കമ്പനികൾക്കും എതിരെ സമ്മർദ്ദം ശക്തമാക്കാനാണ് ഇന്ത്യയുടെ തീരുമാനം. ഇറക്കുമതിക്ക് ലൈസൻസ്നിര്ബന്ധമാക്കാനും തീരുവ കൂട്ടാനുമാണ് നീക്കം...
ഗൃഹോപകരണങ്ങൾക്ക് പുറമെ, ഏയര് കണ്ടീഷണര്, തുകൽ, ചെരിപ്പുകൾ, വളം, പാക്കറ്റ് ഭക്ഷണം, സ്റ്റീൽ, അലുമിനീയം, ചെമ്പ്, തുണിത്തരങ്ങൾ, ഇലക്ട്രോണിക് വാഹനങ്ങൾ, ടിവി, സിസിടിവി തുടങ്ങിയവ കൂടുതലും എത്തുന്നത് ചൈനയിൽ നിന്നാണ് ..
ഉത്പന്നങ്ങള്ക്ക് സ്റ്റാന്റേര്ഡ് സര്ട്ടിഫിക്കറ്റ് ഉറപ്പു വരുത്താനുള്ള കാലതാമസമാണ് ഉത്പന്നങ്ങൾക്കുള്ള ഇറക്കുമതി അനുമതി വൈകുന്നതിലുള്ള പ്രധാനകാരണം. പല ചൈനീസ് ഉത്പന്നങ്ങളും തുറമുഖങ്ങളിൽ കെട്ടികിടക്കുകയാണ് ..ചൈനയില് നിന്നുള്ള ഇറക്കുമതി പരിമിതപ്പെടുത്തുന്നതിന്റെ ഭാഗമായി സർക്കാർ കസ്റ്റംസ് ഡ്യൂട്ടി വര്ധിപ്പിക്കുന്നു
അതിർത്തിയിലെ സംഘർഷങ്ങളുടെ പശ്ചാത്തലത്തിൽ സുരക്ഷാ പ്രശ്നങ്ങൾ ചൂണ്ടിക്കാട്ടി ഇന്ത്യ നിരോധിച്ച ആപ്പുകളുടെ കൂട്ടത്തിൽ ഇന്ത്യയില് ഏറ്റവുമധികം സ്മാര്ട് ഫോണ് വില്ക്കുന്ന കമ്പനിയായ ഷഓമിയുടെ വെബ് ബ്രൗസറായ എംഐ ബ്രൗസർ, എംഐ കമ്യൂണിറ്റ് ആപ് തുടങ്ങിയവ ഉൾപ്പെട്ടിരുന്നു....
ആത്മനിര്ഭര് ഭാരത് പദ്ധതിയുടെ ഭാഗമായി ഇന്ത്യയിൽ ഉൽപ്പാദിപ്പിക്കാൻ കഴിയുന്ന ഉൽപ്പന്നങ്ങളുടെ ഇറക്കുമതി കുറക്കുക എന്നതാണ് ലക്ഷ്യമെന്ന് കേന്ദ്രം പറയുമ്പോഴും നീക്കം ചൈനക്കെതിരെ തന്നെയാണ് എന്ന് വ്യക്തം
https://www.facebook.com/Malayalivartha
