ഉത്തര്‍പ്രദേശിലെ ഹത്രാസിൽ 19കാരി കൂട്ടബലാത്സംഗത്തിനിരയായി കൊല്ലപ്പെട്ട സംഭവത്തിൽ പെണ്‍കുട്ടിക്ക്​ നീതി ലഭ്യമാക്കണമെന്ന് ആവശ്യവുമായി കുടുംബം. രണ്ടുദിവസത്തിനുശേഷം മാധ്യമങ്ങള്‍ക്ക്​ കുടുംബത്തെ കാണാന്‍ അനുമതി നല്‍കിയതിന്​ പിന്നാലെയാണ്​ പ്രതികരണം.

'അന്ന്​ രാത്രിയില്‍ ആരുടെ മൃതദേഹമാണ്​ കത്തിച്ചതെന്ന്​ ഞങ്ങള്‍ക്ക്​ അറിയണം. അത്​ ഞങ്ങളുടെ സഹോദരിയുടെ ശരീരമാണെങ്കില്‍ എന്തിന്​ അവര്‍ ഈ രീതിയില്‍ സംസ്​കരിച്ചു​​?. പൊലീസിനോടും ഭരണകൂടത്തിനോടും അവളുടെ മൃതദേഹം ഒരുനോക്ക്​ കാണിക്കാന്‍ ഞങ്ങള്‍ അഭ്യര്‍ഥിച്ചിരുന്നു'
'അതിലുപരി, പോസ്​റ്റ്​മോര്‍ട്ടം റിപ്പോര്‍ട്ട്​ ഞങ്ങള്‍ ആവശ്യ​െപ്പട്ടിരുന്നു. എന്നാല്‍ നിങ്ങള്‍ക്ക്​ ഇംഗ്ലീഷ്​ വായിക്കാന്‍ അറിയില്ലാത്തതിനാല്‍ മനസിലാകില്ലെന്നായിരുന്നു ​പ്രതികരണമെന്ന് പെൺകുട്ടിയുടെ സഹോദരന്‍ കൂട്ടിച്ചേര്‍ത്തു.

വ്യാഴാഴ്​ച പ്രത്യേക അന്വേഷണ സംഘം തങ്ങളോട്​​ സംസാരിച്ചിരു​ന്നില്ലെന്ന്​ കുടുംബം വ്യക്തമാക്കി. നേരത്തേ പ്രത്യേക അന്വേഷണ സംഘമെത്തി മൊഴിയെടുത്തിരുന്നതായും വ്യാഴാഴ്​ച ഗ്രാമവാസികളോട്​ മാത്രം സംസാരിച്ചശേഷം മടങ്ങിപോയെന്നും കുടുംബം ആരോപിച്ചു. രണ്ടുദിവസമായി വീടുവിട്ട്​ പുറത്തുപോകാന്‍ അനുവദിച്ചിരുന്നില്ലെന്നും വീട്ടിനുള്ളില്‍ സദാസമയം പൊലീസി​െന്‍റ സാന്നിധ്യം ഉണ്ടായിരുന്നതായും കുടുംബം പറഞ്ഞു.

'ഞങ്ങള്‍ക്ക്​ പേടിയുണ്ട്​. പൊലീസുകാരോട്​ കുറച്ച്‌​ സ്വകാര്യത ഞങ്ങള്‍ ആവശ്യ​െപ്പട്ടിരുന്നു. എന്നാല്‍ അവര്‍ വീടനകത്ത്​ സദാസമയവും തമ്ബടിച്ചു. ചില അഡ്​മിനിസ്​ട്രേറ്റീവ്​ ഉദ്യോഗസ്​ഥരെതി തങ്ങളുടെ ഫോണ്‍ കാണിക്കാന്‍ ആവശ്യ​െപ്പട്ടു. രണ്ടുദിവസമായി പുറംലോകവുമായുള്ള ഏക സംവാദം ഇതായിരുന്നു' -​സഹോദരന്‍ കൂട്ടിച്ചേര്‍ത്തു.

'കേസ്​ ഒത്തുതീര്‍പ്പാക്കാന്‍ ​ഗ്രാമ അധികാരി ഞങ്ങളില്‍ സമ്മര്‍ദ്ദം ചെലുത്തിയിരുന്നു. ഞങ്ങള്‍ക്ക്​ നീതി മാത്രമാണ്​ ആവശ്യം' എന്നും പെണ്‍കു​ട്ടിയുടെ ബന്ധു പറഞ്ഞു.

പെണ്‍കുട്ടിയുടെ കൊലപാതകത്തില്‍ പ്രതിഷേധം ശക്തമായതോടെ പ്രത്യേക മൂന്നംഗ സംഘത്തെ കേസ്​ അന്വേഷണത്തിനായി നിയമിച്ചിരുന്നു. പെണ്‍കുട്ടിയുടെ ഗ്രാമത്തില്‍ മാധ്യമപ്രവര്‍ത്തകര്‍ക്കുള്ള വിലക്ക്​ നീക്കിയതായും നിരോധനാജ്ഞ നിലനില്‍ക്കുന്നതിനാല്‍ അഞ്ചുമാധ്യമപ്രവര്‍ത്തകരെ മാത്രമേ സ്​ഥലത്തേക്ക്​ കടത്തിവിടുവെന്നും സബ്​ ഡിവിഡനല്‍ മാനേജര്‍ പ്രേം പ്രകാശ്​ മീന അറിയിച്ചിരുന്നു.

രണ്ടുദിവസമായി പെണ്‍കുട്ടിയുടെ ഗ്രാമ​ത്തിലേക്ക്​ പ്രവേശിക്കാന്‍ മാധ്യമപ്രവര്‍ത്തകര്‍ക്ക്​ അടക്കം വിലക്ക്​ ഏര്‍പ്പെടുത്തിയത്​ ആശങ്ക സൃഷ്​ടിച്ചിരുന്നു. പ്രത്യേക സംഘത്തി​െന്‍റ അന്വേഷണം അവസാനിക്കുന്നതുവരെ വിലക്ക്​ നിലനില്‍ക്കുമെന്നായിരുന്നു ഹ​ാഥറസ്​ അഡീഷനല്‍ എസ്​.പി പ്രകാശ്​ കുമാറി​െന്‍റ വിശദീകരണം.