ഭര്‍തൃപീഡനം താങ്ങാനായില്ല! ഭാര്യ തീകൊളുത്തി ആത്മഹത്യ ചെയ്തപ്പോൾ നോക്കി നിന്ന് മൊബൈലിൽ പകർത്തി; പിന്നാലെ ചെയ്തത് മറ്റൊന്ന്... യുവാവിനെയും കുടുംബത്തെയും അറസ്റ്റ് ചെയ്തതോടെ പുറത്ത് വരുന്നത്...
രാജസ്ഥാനില്‍ ഭര്‍തൃ പീഡനത്തെ തുടര്‍ന്ന് യുവതി തീകൊളുത്തി മരിച്ചു. ഭാര്യ തീ കൊളുത്തി ആത്മഹത്യ ചെയ്യുന്ന വീഡിയോ എടുത്ത ഭര്‍ത്താവ് അറസ്റ്റില്‍. രാജസ്ഥാനിലെ ജുഞ്ജുനു ജില്ലയിലാണ് മനസാക്ഷിയെ ഞെട്ടിക്കുന്ന സംഭവം റിപ്പോർട്ട് ചെയ്തിരിക്കുന്നത്. ഭര്‍ത്താവിനും അഞ്ച് കുടുംബാംഗങ്ങള്‍ക്കും എതിരെ പൊലീസ് കേസ് എടുത്തു.
ഭര്‍ത്താവിനെതിരെ ആത്മഹത്യാ പ്രേരണ, സ്ത്രീധന നിരോധന നിയമം എന്നിവയാണ് ചുമത്തിയിരിക്കുന്നത്. മൊബൈലില്‍ എടുത്ത വീഡിയോ ഭാര്യയുടെ മാതാപിതാക്കള്‍ക്ക് ഇയാള്‍ അയച്ചു കൊടുത്തെന്നും പൊലീസ് പറഞ്ഞു.
നവംബര്‍ 20നാണ് യുവതി ആത്മഹത്യയ്ക്ക് ശ്രമിച്ചത്. അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും ഗുരുതരമായി പൊള്ളലേറ്റതിനാല്‍ ജയ്പൂരിലെ ആശുപത്രിയിലേക്ക് റഫര്‍ ചെയ്തു. അവിടെ വെച്ച്‌ 22ന് മരിച്ചു. പോസ്റ്റുമോര്‍ട്ടത്തിന് ശേഷം മൃതദേഹം മാതാപിതാക്കള്‍ക്ക് വിട്ടുകൊടുത്തു. കേസ് രജിസ്റ്റര്‍ ചെയ്ത ശേഷം വിശദമായ അന്വേഷണം നടത്തിവരുകയാണെന്ന് ഗുദഗോര്‍ജി പൊലീസ് സ്റ്റേഷന്‍ എസ്.എച്ച്‌.ഒ ദേരി സിംഗ് പറഞ്ഞു.
ഭര്‍ത്താവിനെ കൂടാതെ സഹോദരന്‍, അമ്മാവന്‍, അമ്മായി, മാതാപിതാക്കള്‍ എന്നിവരെയും പൊലീസ് അറസ്റ്റ് ചെയ്തിട്ടുണ്ട്. ഇന്ത്യൻ ശിക്ഷാ നിയമത്തിലെ 498 എ, 306 വകുപ്പുകൾ പ്രകാരം സ്ത്രീധനം ആവശ്യപ്പെടൽ, ആത്മഹത്യയ്ക്ക് പ്രേരിപ്പിക്കൽ എന്നീ കുറ്റങ്ങളാണ് ഭർത്താവിനും വീട്ടുകാർക്കുമെതിരെ ചേർത്തിരിക്കുന്നത്.
https://www.facebook.com/Malayalivartha
