നടന് രജനീകാന്ത് രാഷ്ട്രീയത്തിലേക്കില്ല.... പാര്ട്ടി പ്രഖ്യാപനത്തില് നിന്ന് പിന്മാറി... ആരോഗ്യ പ്രശ്നങ്ങള് കാരണമാണെന്ന് വിശദീകരണം, തീരുമാനം അറിയിച്ചത് കടുത്ത നിരാശയോടെ...
നടന് രജനീകാന്ത് രാഷ്ട്രീയത്തിലേക്കില്ല. പാര്ട്ടി പ്രഖ്യാപനത്തില് നിന്ന് അദ്ദേഹം പിന്മാറി. ആരോഗ്യ പ്രശ്നങ്ങള് കാരണമാണെന്നാണ് വിശദീകരണം. കടുത്ത നിരാശയോടെ തീരുമാനം അറിയിക്കുന്നുവെന്നും രജനീകാന്ത് അറിയിച്ചു. നേരത്തെ രക്തസമ്മര്ദ്ദത്തിലെ വ്യതിയാനത്തെത്തുടര്ന്ന് ഹൈദരാബാദില് അദ്ദേഹം ചികിത്സ തേടിയിരുന്നു. ആരോഗ്യനില മെച്ചപ്പെട്ടുവെങ്കിലും രജനി ആരോഗ്യം ശ്രദ്ധിക്കണം എന്ന നിര്ദേശമാണ് ഡോക്ടര്മാര് നല്കിയത്.
ഒരാഴ്ച പൂര്ണമായും ബെഡ് റെസ്റ്റ്, ടെന്ഷന് വരുന്ന സാഹചര്യങ്ങള് ഒഴിവാക്കണം, കോവിഡ് പകരാന് സാധ്യതയുള്ള സാഹചര്യങ്ങളില് നിന്ന് മാറി നില്ക്കണം എന്നും ഡോക്ടര്മാര് താരത്തിന് മുന്നറിയിപ്പ് നല്കിയിരുന്നു. കുറച്ച് വര്ഷം മുന്പ് കിഡ്നി മാറ്റിവെച്ച സാഹചര്യം കൂടി പരിഗണിച്ചാണ് നിര്ദേശം.
ഇതോടെ രജനിയുടെ രാഷ്ട്രീയപാര്ട്ടി പ്രഖ്യാപനത്തെക്കുറിച്ച് ആശങ്കകള് ഉയര്ന്നിരുന്നു. പാര്ട്ടി പ്രഖ്യാപിക്കുന്ന തീയതി ഈ മാസം 31 ന് അറിയിക്കുമെന്നായിരുന്നു രജനികാന്ത് നേരത്തെ അറിയിച്ചിരുന്നത്.
"
https://www.facebook.com/Malayalivartha
