ബ്രിട്ടനില്‍ ജനിതകമാറ്റം സ്​ഥിരീകരിച്ച ​കൊറോണ വൈറസ്​ പടരുന്ന സാഹചര്യത്തില്‍ യു.കെയില്‍നിന്നുള്ള വിമാനങ്ങള്‍ക്കുണ്ടായിരുന്ന വിലക്ക്​ ഇന്ത്യ നീട്ടിയതായി റിപ്പോർട്ട്. ഡിസംബര്‍ 31 വരെയുണ്ടായിരുന്ന വിലക്ക്​ ജനുവരി ഏഴുവരെ​യാണ് നീട്ടിയിട്ടുള്ളത്. ജനുവരി ഏഴിന്​ ശേഷം കര്‍ശന നിയന്ത്രണങ്ങളോടെ വിമാന സര്‍വിസ്​ പുനരാരംഭിക്കുമെന്നും വിശദാംശങ്ങള്‍ പിന്നീട്​ അറിയിക്കുമെന്നും വ്യോമയാനമന്ത്രി ഹര്‍ദീപ്​ സിങ്​ പുരി ട്വിറ്ററിൽ കുറിച്ചു.

ഡിസംബർ 31 രാത്രി 11:59വരെ താൽക്കാലികമായി നിര്‍ത്തി വെക്കുകയായിരുന്നു. ഇതാണ് ഇപ്പോള്‍ നീട്ടിയിരിക്കുന്നത്. ബ്രിട്ടനിലെ അതിവ്യാപന വൈറസ്​ ബാധ​ ഇന്ത്യയില്‍ 20 പേര്‍ക്കാണ്​ ഇതുവരെ സ്​ഥിരീകരിച്ചത് തന്നെ ​. ചൊവ്വാഴ്ച മാത്രം ആറുപേര്‍ക്കാണ്​ രോഗം സ്​ഥിരീകരിച്ചത്. 14 പേര്‍ക്ക്​ ബുധനാഴ്​ച രോഗം സ്​ഥിരീകരിക്കുകയുണ്ടായി.

ലഭ്യമാകുന്ന കണക്കുകൾ പ്രകാരം ഒരു മാസത്തിനിടെ യു.കെയില്‍ നിന്ന്​ 33,000 പേരാണ്​ ഇന്ത്യയിലെത്തിയത്​. ഇവരെല്ലാവരും നിരീക്ഷണത്തിലാണെന്നും ആരോഗ്യമന്ത്രാലയം അറിയിച്ചു. ബ്രിട്ടനിലും ദക്ഷിണാഫ്രിക്കയിലും ജനിതകമാറ്റം സംഭവിച്ച കൊറോണ വൈറസ്​ ബാധ അതിവേഗം പടരുന്നതായി റിപ്പോർട്ട്​. ഡെന്‍മാര്‍ക്ക്​, നെതര്‍ലന്‍ഡ്​സ്​, ആസ്​ട്രേലിയ, ഇറ്റലി, സ്വീഡന്‍, ഫ്രാന്‍സ്​, സ്​പെയിന്‍, സ്വിറ്റ്​സര്‍ലന്‍ഡ്​, ജര്‍മനി, കാനഡ, ജപ്പാന്‍, ​െലബനന്‍, സിംഗപ്പൂര് എന്നുതുടങ്ങി 20-ലേറെ രാജ്യങ്ങളില്‍ ബ്രിട്ടനിലെ കോവിഡ് വകഭേദം ഇതിനകം സ്ഥിരീകരിച്ചു.