കര്ഷക സംഘടനകള് ആഹ്വാനം ചെയ്ത ഭാരത് ബന്ദ് തുടങ്ങി... രാവിലെ ആറ് മുതല് വൈകിട്ട് ആറ് മണി വരെ, തിരഞ്ഞെടുപ്പ് നടക്കുന്ന കേരളമടക്കമുളള സംസ്ഥാനങ്ങളെ ബന്ദില് നിന്ന് ഒഴിവാക്കി
കര്ഷക സംഘടനകള് ആഹ്വാനം ചെയ്ത ഭാരത് ബന്ദ് തുടങ്ങി. രാവിലെ ആറ് മുതല് വൈകിട്ട് ആറ് മണി വരെയാണ് ബന്ദ്. ട്രേഡ് യൂണിയനുകള്, ബാര് അസോസിയേഷനുകള്, രാഷ്ട്രീയ പാര്ട്ടികള് അടക്കമുളള സംഘടനകള് കര്ഷകരുടെ ഇന്നത്തെ ഭാരത് ബന്ദിന് ഐക്യദാര്ഢ്യം പ്രഖ്യാപിച്ചിട്ടുണ്ട്.
റോഡ്, റെയില് ഗതാഗതം തടയും. കടകള്, മാളുകള്, സ്ഥാപനങ്ങള് എന്നിവ അടച്ച് ബന്ദിനോട് സഹകരിക്കണമെന്ന് കര്ഷകര് ആവശ്യപ്പെട്ടിട്ടുണ്ട്. കാര്ഷിക നിയമങ്ങള്ക്കെതിരായി രാജ്യവ്യാപകമായി കര്ഷക സംഘടനകള് ഇന്ന് പ്രതിഷേധം സംഘടിപ്പിക്കും.
കേന്ദ്രസര്ക്കാര് പാസ്സാക്കിയ കാര്ഷിക നിയമങ്ങള്ക്കെതിരേ കര്ഷകര് ഡല്ഹിയുടെ അതിര്ത്തികളില് നടത്തുന്ന സമരം നാലുമാസം പൂര്ത്തിയാകുന്നതിന്റെ ഭാഗമായാണ് സംയുക്ത കിസാന് മോര്ച്ച ഭാരത് ബന്ദിന് ആഹ്വാനം ചെയ്തിരിക്കുന്നത്. കാര്ഷിക ബില്ലുകള്ക്കെതിരായ സമരം കടുപ്പിക്കുന്നതിന്റെ ഭാഗമായാണ് ഭാരത് ബന്ദ്.
രാജ്യത്തെ എല്ലാ പൗരന്മാരും ബന്ദിനോട് സഹകരിക്കണമെന്നും സമരം വിജയിപ്പിക്കണമെന്നും കര്ഷക സംഘടനകള് അഭ്യര്ഥിച്ചു. ഭാരത് ബന്ദ് പൂര്ണമായും സമാധാനപരമായിരിക്കും.
എന്നാല് ബന്ദില് റോഡ്-റെയില് ഗതാഗതം സ്തംഭിപ്പിക്കുമെന്ന് കര്ഷക സംഘടനാ നേതാക്കള് അറിയിച്ചു. കടകളും വ്യാപാര സ്ഥാപനങ്ങളും അടച്ചിട്ട് വ്യാപാരികള് പ്രതിഷേധത്തിന് ഒപ്പം അണിചേരുമെന്നും സംഘടനാനേതാക്കള് വ്യക്തമാക്കി.
ഹരിയാണ, പഞ്ചാബ് എന്നിവിടങ്ങളില് ബന്ദ് ജനജീവിതത്തെ ബാധിച്ചേക്കും. നിയമസഭാ തിരഞ്ഞെടുപ്പിന്റെ പശ്ചാത്തലത്തില് കേരളത്തെ ബന്ദില് നിന്ന് ഒഴിവാക്കിയിട്ടുണ്ടെങ്കിലും വൈകുന്നേരം പ്രതിഷേധം നടത്താന് കര്ഷക സംഘടനകള് തീരുമാനിച്ചിട്ടുണ്ട്.
അതേസമയം തിരഞ്ഞെടുപ്പ് നടക്കുന്ന കേരളമടക്കമുളള സംസ്ഥാനങ്ങളെ ബന്ദില് നിന്ന് ഒഴിവാക്കിയിട്ടുണ്ട്. സമരം ആരംഭിച്ച ശേഷം ഇത് രണ്ടാം തവണയാണ് കര്ഷകര് ഭാരത് ബന്ദിന് ആഹ്വാനം ചെയ്തത്.
"
https://www.facebook.com/Malayalivartha