കോവിഡ് കേസുകള് വര്ദ്ധിക്കുന്നു..... കുംഭമേളയില് എത്തുന്ന തീര്ത്ഥാടകര്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധം...
കുംഭമേളയില് എത്തുന്ന തീര്ത്ഥാടകര്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധം. ഹരിദ്വാറില് നടക്കുന്ന കുംഭമേളയില് പങ്കെടുക്കാനെത്തുന്നവര്ക്ക് ആര്ടി-പിസിആര് പരിശോധന ഫലമാണ് നിര്ബന്ധമാക്കിയിരിക്കുന്നത്.
കോവിഡ് കേസുകള് വീണ്ടും ഉയരുന്ന പശ്ചാത്തലത്തില് കുംഭമേള ചരിത്രത്തില് ആദ്യമായി ഒരു മാസം മാത്രമായി വെട്ടിച്ചുരുക്കിയാണ് നടത്തുന്നത്.
ഹരിദ്വാറിലെ ഗംഗാ തീരത്ത് മേള ഏപ്രില് ഒന്ന് മുതല് 30 വരെ നടക്കുമെന്നാണ് അറിയിപ്പ്. 12 വര്ഷത്തിലൊരിക്കല് നടക്കുന്ന മഹാകൂംഭമേള സാധാരണയായി മൂന്നര മാസത്തോളമാണ് നീണ്ടുനില്ക്കുന്നത്. 2010 ജനുവരി 14 മുതല് ഏപ്രില് 28 വരെയാണ് അവസാനമായി കുംഭമേള നടന്നത്.
എന്നാല് രോഗം വ്യാപിക്കുന്നത് തടയുന്നതിനാവശ്യമായ നടപടികള് സ്വീകരിക്കാന് കേന്ദ്ര സര്ക്കാര് ഉത്തരാഖണ്ഡ് സര്ക്കാരിന് നിര്ദേശം നല്കിയിരുന്നു. സംസ്ഥാനം സ്വീകരിച്ച മെഡിക്കല്, പൊതുജനാരോഗ്യ നടപടികള് അവലോകനം ചെയ്യുന്നതിനായി നാഷണല് സെന്റര് ഫോര് ഡിസീസ് കണ്ട്രോള് ഡയറക്ടറുടെ നേതൃത്വത്തിലുള്ള സംഘം സംസ്ഥാനത്ത് മാര്ച്ച് 16, 17 തീയതികളില് ഉത്തരാഖണ്ഡ് സന്ദര്ശിച്ചിരുന്നു.
'കേന്ദ്ര ആരോഗ്യ മന്ത്രാലയം നിര്ദ്ദേശിച്ച സ്റ്റാന്ഡേഡ് ഓപ്പറേഷന് നടപടിക്രമം പാലിക്കും' ചീഫ് സെക്രട്ടറി ഓം പ്രകാശ് പറഞ്ഞു. കേന്ദ്ര സര്ക്കാര് പുറപ്പെടുവിച്ച എസ്ഒപി അനുസരിച്ച് തീര്ത്ഥാടകര്ക്ക് സന്ദര്ശനത്തിന് മുന്പ് മുന്പ് 72 മണിക്കൂര് മുമ്പ് ആര്ടിപിസിആര് കോവിഡ് നെഗറ്റീവ് ടെസ്റ്റ് റിപ്പോര്ട്ട് നടത്തണം.
ഈ റിപ്പോര്ട്ട് ഉത്തരാഖണ്ഡ് സര്ക്കാരിന്റെ പോര്ട്ടലില് അപ്ലോഡ് ചെയ്യണം. പൊതു സുരക്ഷ നടപടിക്രമങ്ങള് പ്രകാരം 10 വയസ്സിനു താഴെ പ്രയമുള്ള കുട്ടികള്, ഗര്ഭിണികള്, 65 വയസ്സിനു മുകളില് പ്രായമുള്ള മുതിര്ന്ന പൗരന്മാര് എന്നിവര്ക്ക് സന്ദര്ശിക്കുന്നതില് വിലക്കേര്പ്പെടുത്തി.
എന്നാല് ഉത്തരാഖണ്ഡ് മുഖ്യമന്ത്രി തിരാത് സിങ് റാവത്ത് എല്ലാവരെയും കുംഭ മേളയിലേക്ക് ക്ഷണിച്ചു. 12 വര്ഷമായി തീര്ത്ഥാടകര് കാത്തിരിക്കുന്നതാണ്. ഇക്കാര്യത്തില് നിരവധി പൊതുതാല്പര്യ ഹര്ജികള് ഫയല് ചെയ്തതായി അറിച്ചു.
അതേസമയം കംഭമേളയില് കോവിഡ് മാര്ഗ്ഗ നിര്ദേശങ്ങള് കര്ശനമായി പാലിക്കണമെന്ന് സംസ്ഥാന സര്ക്കാരിനോട് കോടതി നര്ദേശിച്ചിരുന്നു. എന്നാല് മുഖ്യമന്ത്രിയുടെ പ്രസ്താവനയില് ഉദ്യോഗസ്ഥര് ഹൈക്കോടതിയില് വിശദീകരണം നല്കേണ്ടതുണ്ട്. അതിനിടെ രാജ്യത്ത് കോവിഡ് രണ്ടാം തരംഗത്തിനിടയില് പുതിയ വൈറസിന്റെ പുതിയ വകഭേദം കണ്ടെത്തിയതായി കേന്ദ്ര സര്ക്കാര് അറിയിച്ചു.
മഹാരാഷ്ട്രയില് നിന്നുള്ള കോവിഡ് കണക്കുകള് 2020 ഡിസംബറുമായി താരതമ്യപ്പെടുത്തുമ്പോള് മ്യൂട്ടേഷനുകള്ക്കൊപ്പം കേസുകളിലും വര്ദ്ധനവുണ്ടായെന്ന് സര്ക്കാര് പറയുന്നു. പുതിയ വകഭേദം രോഗപ്രതിരോധ ശേഷി കുറയ്ക്കുകയും ചെയ്യുന്ന പകര്ച്ചവ്യാധിയാണെന്ന് വിദഗ്ദ്ധര് പറയുന്നു.
"
https://www.facebook.com/Malayalivartha