മുംബൈ നഗരത്തിലെ കോവിഡ് ആശുപത്രിയിലുണ്ടായ തീപിടിത്തത്തില് രണ്ടുമരണം.... കോവിഡ് ബാധിതരുടെ എണ്ണം കുതിച്ചുയരുന്നതിനിടെയാണ് അപകടം, ഇന്നലെ അര്ധരാത്രിയോടെയായിരുന്നു തീപിടിത്തം
മുംബൈ നഗരത്തിലെ കോവിഡ് ആശുപത്രിയിലുണ്ടായ തീപിടിത്തത്തില് രണ്ടുമരണം. മുംബൈയില് കോവിഡ് ബാധിതരുടെ എണ്ണം കുതിച്ചുയരുന്നതിനിടെയാണ് അപകടം.
ഇന്നലെ അര്ധരാത്രി 12 മണിയോടെയായിരുന്നു തീപിടിത്തം. മാളിലെ ആശുപത്രിയിലാണ് സംഭവം. 70ല് അധികം രോഗികള് ഈ സമയം ആശുപത്രിയില് ചികിത്സയിലുണ്ടായിരുന്നു.
തീ പടര്ന്നതോടെ രോഗികളെയെല്ലാം ആശുപത്രിയില്നിന്ന് പുറത്തെത്തിച്ചു. രണ്ടുപേര് മരിച്ചതായും അധികൃതര് അറിയിച്ചു.തീ അണക്കാനായി 22ഓളം ഫയര് എന്ജിനുകളാണ് സ്ഥലത്തെത്തിയത്. അപകടത്തിന്റെ കാരണം വ്യക്തമല്ല. അന്വേഷണം പ്രഖ്യാപിച്ചിട്ടുണ്ട്.
70 കോവിഡ് രോഗികളില് 30പേരെ മുളുന്ദ് ജംബോ സെന്ററിലേക്കും മൂന്നുപേരെ ഫോര്ട്ടിസ് ആശുപത്രിയിലേക്കുമാണ് മാറ്റിയതെന്ന് മുതിര്ന്ന ഡോക്ടര് പറഞ്ഞു.
ആദ്യമായാണ് ഒരു മാളില് ആശുപത്രി കാണുന്നതെന്നും ഇത് ഗുരുതരമായ സംഭവമാണെന്നും മുംബൈ മേയര് കിശോരി പെഡ്നേകര് പറഞ്ഞു. ഏഴു രോഗികള് വെന്റിലേറ്ററിലാണ്.
70 പേരെ മറ്റൊരു ആശുപത്രിയിലേക്ക് മാറ്റി. തീപിടിത്തത്തിന്റെ കാരണം അന്വേഷിക്കാന് ഉത്തരവിട്ടതായും മേയര് പറഞ്ഞു.മഹാരാഷ്ട്രയിലാണ് ഏറ്റവും കൂടുതല് കോവിഡ് ബാധിതര്. മുംബൈ നഗരത്തിലാണ് ഇതില്തന്നെ ഏറ്റവും കുടുതല് രോഗികള്.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha