നടി ഷക്കീല കോണ്ഗ്രസില് ചേര്ന്നു;പാര്ട്ടിയിലെ മനുഷ്യാവകാശ വിഭാഗത്തിലാണ് താരം പ്രവര്ത്തിക്കുക
നടിയും നിര്മ്മാതാവുമായ ഷക്കീല കോണ്ഗ്രസില് ചേര്ന്നു. പാര്ട്ടിയിലെ മനുഷ്യാവകാശ വിഭാഗത്തിലാണ് താരം പ്രവര്ത്തിക്കുക. തമിഴ്, മലയാളം, തെലുങ്ക്, ഹിന്ദി തുടങ്ങി വിവിധ ഭാഷകളില് നൂറിലധികം ചിത്രങ്ങളില് അഭിനയിച്ച താരം ചാനല് ഷോകളിലും ശ്രദ്ദേയയാണ്.കഴിഞ്ഞ ദിവസമാണ് ഷക്കീല കോണ്ഗ്രസിലെ അംഗത്വം എടുത്തത്. തമിഴ്നാട് കോണ്ഗ്രസ് മനുഷ്യാവകാശ വകുപ്പ് മേധാവി ശ്രീനിവാസനാണ് താരത്തിന് അംഗത്വം നല്കി പാര്ട്ടിയിലേക്ക് സ്വീകരിച്ചത്.സിനിയ്ക്ക് പുറമെ നിരവധി സാമൂഹിക പ്രവര്ത്തനങ്ങളില് താരം നേരത്തെ തന്നെ പ്രവര്ത്തിച്ചിരുന്നു. തമിഴ്നാട്ടിലെ നിരവധി ട്രാന്സ്ജെന്ഡര് വ്യക്തികള്ക്ക് ഷക്കീല സഹായങ്ങള് ചെയ്തിരുന്നു.ട്രാന്സ്ജെന്ഡര് വ്യക്തിയും ഫാഷന് ഡിസൈനറുമായ മില്ലയെ ഷക്കീല ദത്തെടുത്ത് മകളാക്കിയ വാര്ത്ത നേരത്തെ പുറത്തുവന്നിരുന്നു.അതെ സമയം രാഹുല് ഗാന്ധി വീണ്ടും കോണ്ഗ്രസ് അധ്യക്ഷനാകണമെന്നാണ് തന്റെ വ്യക്തിപരമായ ആഗ്രഹമെന്ന് മുന് മുഖ്യമന്ത്രി എ.കെ ആന്റണി. ഏഷ്യാനെറ്റില് സിന്ധു സൂര്യകുമാറുമായി നടത്തിയ അഭിമുഖത്തിനിടെയായിരുന്നു അദ്ദേഹത്തിന്റെ വെളിപ്പെടുത്തല്. പുറത്തുനിന്നുള്ള ഒരാള് അധ്യക്ഷനാകുന്നതില് താല്പര്യമില്ലെന്നും അദ്ദേഹം പറഞ്ഞു.
‘സത്യം സത്യമായി കാണണം. ആ കുടുംബത്തിനോടുള്ള, കോണ്ഗ്രസുകാരുടെ വൈകാരികമായ ബന്ധം ഭയങ്കരമാണ്. ഇന്ദിരാ ഗാന്ധി, രാജീവ് ഗാന്ധി-രണ്ട് രക്തസാക്ഷികള് ഉള്ള കുടുംബമാണ്. അപ്പോള് ഒരു വൈകാരികമായ ബന്ധമുണ്ടാകും. അവരോടുള്ള ആ വൈകാരിക ബന്ധം രാഹുലിനോടുമുണ്ട്’, ആന്റണി പറഞ്ഞു.രാഹുലിന് സ്ഥിരതയില്ലെന്നുള്ള പ്രചരണം അടിസ്ഥാനരഹിതമാണെന്നും ബി.ജെ.പിയാണ് ഇത്തരം പ്രചരണം നടത്തുന്നതെന്നും ആന്റണി പറഞ്ഞു. അദ്ദേഹത്തോട് സംസാരിച്ചാല് തീരാവുന്ന പ്രശ്നമേയുള്ളുവെന്നും ആന്റണി പറഞ്ഞു.
2020 ആഗസ്റ്റിലാണ് നേതൃമാറ്റം വേണമെന്ന് ആവശ്യപ്പെട്ടുകൊണ്ട് 23 നേതാക്കള് സോണിയ ഗാന്ധിയ്ക്ക് കത്ത് അയച്ചത് കോണ്ഗ്രസിനകത്ത് ഭിന്നതയ്ക്ക് വഴിയൊരുക്കിയിരുന്നു. നേതാക്കളുടെ നടപടിയെ വിമര്ശിച്ച് പലരും രംഗത്തെത്തിയിരുന്നു. കത്തയച്ച ഈ 23 നേതാക്കളല്ല കോണ്ഗ്രസെന്ന കാര്യം ഓര്ക്കണം എന്ന രീതിയിലടക്കമുള്ള വിമര്ശനം ഉയര്ന്നുവന്നിരുന്നു.ഹൈക്കമാന്ഡിനെ ദുര്ബലപ്പെടുത്തുന്നത് പാര്ട്ടിയെ ദുര്ബലപ്പെടുത്തുന്നതിന് തുല്യമാണെന്നും തന്റെ സഹപ്രവര്ത്തകര്ക്ക് എങ്ങനെ അത്തരമൊരു കത്ത് എഴുതാന് കഴിഞ്ഞെന്നാണ് താന് ആലോചിക്കുന്നതെന്നുമാണ് കത്ത് വിവാദത്തില് അന്ന് എ.കെ ആന്റണി പ്രതികരിച്ചത്.പാര്ട്ടിയെ ദുര്ബലപ്പെടുത്താനുള്ള നടപടി ആരില് നിന്നും പ്രതീക്ഷിക്കുന്നില്ലെന്നും ആന്റണി പറഞ്ഞിരുന്നു. കത്തിലെ അക്ഷരത്തേക്കാള് അതിലെ ഉള്ളടക്കം ക്രൂരമായിരുന്നെന്നും കോണ്ഗ്രസിന്റെ പ്രതിസന്ധി ഘട്ടങ്ങളിലെല്ലാം പാര്ട്ടിക്കൊപ്പം നിന്നയാളാണ് സോണിയയെന്നും ആന്റണി പറഞ്ഞിരുന്നു.
https://www.facebook.com/Malayalivartha