ഏപ്രിൽ പകുതിയോടെ കോവിഡ് തരംഗം തീവ്രമാകും; അടച്ചിടലും നിയന്ത്രണങ്ങളും ഫലം കാണില്ല; ൽ 25 ലക്ഷം പേർക്കെങ്കിലും രോഗം ബാധിച്ചേക്കാം; വാക്സിൻ എല്ലാവരിലുമെത്തിക്കണമെന്നത് മാത്രം പോംവഴി ; എസ്.ബി.ഐയുടെ റിപ്പോർട്ടിൽ പകച്ച് രാജ്യം
ഏപ്രിൽ പകുതിയോടെ രാജ്യത്ത് അത് സംഭവിക്കാൻ പോകുന്നു. എസ്.ബി.ഐ. റിപ്പോർട്ടിൽ പകച്ചു രാജ്യം. ഏപ്രിൽ പകുതിയോടെ കോവിഡ് തരംഗം തീവ്രമാകുമെന്ന് റിപ്പോർട്ട്. ഒറ്റനോട്ടത്തിൽ 25 ലക്ഷം പേര്ക്കെങ്കിലും രോഗം ബാധിച്ചേക്കാം. അടച്ചിടലും നിയന്ത്രണങ്ങളും ഫലം കാണില്ല എന്ന തരത്തിലുള്ള റിപ്പോർട്ട് ആണ് പുറത്തു വരുന്നത്.
കോവിഡിന്റെ രണ്ടാം തരംഗം ഏപ്രിൽ പകുതിയോടെ തീവ്രമാകുമെന്ന് സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ) റിപ്പോർട്ട്. രണ്ടാം തരംഗം ഫെബ്രുവരി 15 മുതൽ കണക്കാക്കുമ്പോൾ 100 ദിവസം വരെ നീണ്ടുനിൽക്കാമെന്നും ഈയൊരു കാലയളവിൽ 25 ലക്ഷം പേർക്കെങ്കിലും രോഗം ബാധിച്ചേക്കാമെന്നും റിപ്പോർട്ടിൽ പറയുന്നു.
ഇനിയൊരു അടച്ചിടലും നിയന്ത്രണങ്ങളും ഫലം കാണില്ല. അതിനാൽ വാക്സിൻ എല്ലാവരിലുമെത്തിക്കണം. നിലവിൽ പ്രതിദിനം 34 ലക്ഷം പേർക്കാണ് വാക്സിൻ നൽകുന്നത്. ഇത് 40-45 ലക്ഷമായി ഉയർത്തണം.
45 വയസ്സിനു മുകളിലുള്ള പൗരൻമാർക്കുള്ള കുത്തിവെപ്പ് നാലുമാസത്തിനുള്ളിൽ പൂർത്തിയാക്കണമെന്നും റിപ്പോർട്ടിൽ പറയുന്നു. രാജ്യത്ത് കോവിഡ് രണ്ടാം തരംഗം ഉണ്ടാകുന്നുവോ എന്ന ആശങ്ക നേരത്തെ ആരോഗ്യ മന്ത്രാലയം സംശയിച്ചിരുന്നു. ജാഗ്രതാ നിര്ദേശവും നൽകിയിരുന്നു. പ്രധാന മന്ത്രിയും ഈ ആശങ്ക പ്രകടിപ്പിച്ചിരുന്നു.
കോവിഡ് രണ്ടാം തരംഗം ഉണ്ടാകാതെ തടയേണ്ടത് നിര്ണായകമാണെന്ന് സംസ്ഥാന മുഖ്യമന്ത്രിമാരുടെ യോഗത്തിൽ പ്രധാനമന്ത്രി മുന്നറിയിപ്പ് നൽകിയിരുന്നു. മൈക്രോ കണ്ടെയ്ന്മെന്റ് സോണുകള് പ്രഖ്യാപിക്കുക, പരിശോധന വര്ധിപ്പിക്കുക, മാസ്ക് ഉള്പ്പെടെയുള്ള നിയന്ത്രണ നിര്ദേശങ്ങള് നടപ്പാക്കുക തുടങ്ങിയ നിര്ദേശങ്ങളായിരുന്നു പ്രധാനമന്ത്രി മുന്നോട്ടുവച്ചത്.
കോവിഡ് മഹാമാരി ഇപ്പോള് തടയാന് കഴിഞ്ഞില്ലെങ്കില് രാജ്യത്താകെ വീണ്ടും രോഗബാധ പൊട്ടിപ്പുറപ്പെടുമെന്ന് പ്രധാനമന്ത്രി മുന്നറിയിപ്പു നല്കി. കടുത്ത നിയന്ത്രണങ്ങളിലൂടെ രണ്ടാം തരംഗം അടിയന്തരമായി തടഞ്ഞേ മതിയാകൂവെന്നും പ്രധാനമന്ത്രി പറഞ്ഞു.
ഇന്ത്യയിൽ കോവിഡ് കേസുകൾ ക്രമാതീതമായി വർധിക്കുന്ന സാഹചര്യത്തിൽ കോവിഡിന്റെ രണ്ടാം തരംഗം പിടിച്ചു നിർത്താൻ നടപടികൾ കൈകൊള്ളാൻ ആരോഗ്യ മന്ത്രാലയം സംസ്ഥാനങ്ങൾക്കു നിർദേശം നൽകിയിരുന്നു.
കഴിഞ്ഞ രണ്ടാഴ്ചകളിലായി രാജ്യത്തെ 16 സംസ്ഥാനങ്ങളിലെ 70 ജില്ലകളിൽ കോവിഡ് കേസുകളിൽ 150 ശതമാനമാണ് വർധന. മഹാരാഷ്ട്ര, പഞ്ചാബ്, ഛത്തിസ്ഗഢ്, ഗുജറാത്ത്, കർണാടക, മധ്യപ്രദേശ്, രാജസ്ഥാൻ, ഹരിയാന, ഡൽഹി, ഹിമാചൽ പ്രദേശ് ആന്ധ്രാപ്രദേശ്, എന്നിവിടങ്ങളിൽ ടെസ്റ്റ് പോസ്റ്റിവിറ്റി നിരക്ക് ക്രമാതീതമായി ഉയരുന്നത് ആശങ്കയ്ക്ക് ഇടയാക്കുന്നതായി ആരോഗ്യ സെക്രട്ടറി രാജേഷ് ഭൂഷൻ പറഞ്ഞു.
https://www.facebook.com/Malayalivartha