ജാതി സംഘട്ടനവുമായി ബന്ധപ്പെട്ട് രണ്ട് ദലിത് യുവാക്കള്‍ കൊല്ലപ്പെട്ട സംഭവത്തില്‍ ആറു പേര്‍ അറസ്റ്റിലായി. പത്തിലേറെ പേര്‍ക്കായി പൊലീസ് അന്വേഷണം ഊര്‍ജിതമാക്കിയിരിക്കുന്നു. തമിഴ്നാട് റാണിപേട്ട് ജില്ലയിലാണ് നാടിനെ നടുക്കിയ സംഭവം നടന്നത്.

പുലി എന്ന ആര്‍. സുരേന്ദ്രന്‍, എസ്. കാര്‍ത്തിക്, പി. സക്തിയ , ആര്‍. അജിത്, ആര്‍. മാധവന്‍, വി. നന്ദകുമാര്‍, എന്നിവരാണ് പോലീസ് പിടിയിലായിരിക്കുന്നത്. ബുധനാഴ്ച രാത്രിയില്‍ അറകോണം ഗുരുവാരജന്‍പേട്ടയിലാണ് സംഘട്ടനം നടന്നത്.

ഗൗതം നഗറിലെ സെമ്പേ ട്​ സൂ​ര്യ (26), സോ​ക​ന്നൂ​ര്‍ അ​ര്‍​ജു​ന​ന്‍ (25) എന്നീ യുവാക്കളാണ് സംഘര്‍ഷത്തില്‍ കുത്തേറ്റ് മരണപ്പെട്ടത്. ഇ​വ​രോ​ടൊ​പ്പം ഉ​ണ്ടാ​യി​രു​ന്ന മ​ദ​ന്‍, വ​ല്ല​ര​സു, സൗ​ന്ദ​ര​രാ​ജ​ന്‍ എ​ന്നി​വ​ര്‍​ക്കും ഗു​രു​ത​ര​മാ​യി പ​രി​ക്കേ​റ്റു.

നിയമസഭ തെരഞ്ഞെടുപ്പിന് ശേഷമാണ് സംഭവം നടന്നത്. അ​ര്‍​ജു​ന​നും സൂ​ര്യ​യും ദ​ലി​ത്​ സം​ഘ​ട​ന​യാ​യ വി​ടു​ത​ലൈ ശി​റു​തൈ​ക​ള്‍ ക​ക്ഷി സ്​​ഥാ​നാ​ര്‍​ഥി ഗൗ​തം സ​ന്ന​ക്കു​വേ​ണ്ടി സ​ജീ​വ​മാ​യി പ്ര​വ​ര്‍​ത്തി​ച്ചി​രു​ന്നു. വ​ണ്ണി​യ​ര്‍ സ​മു​ദാ​യ​ത്തി​ന്റെ പി​ന്‍​ബ​ല​മു​ള്ള അ​ണ്ണാ ഡി.​എം.​കെ സ്​​ഥാ​നാ​ര്‍​ഥി എ​സ്. ര​വി​യാ​ണ്​ എതിരാളിയായി നിന്നത്.

ബ​സ്​​സ്​​റ്റോ​പ്പി​ല്‍​വെ​ച്ച്‌​ ദ​ലി​ത് ​- വ​ണ്ണി​യ​ര്‍ സ​മു​ദാ​യ​ങ്ങ​ളി​ല്‍​പെ​ട്ട​വ​ര്‍ ത​മ്മി​ലു​ള്ള വാക്പോരും കയ്യേറ്റവും കൊ​ല​പാ​ത​ക​ത്തി​ല്‍ ക​ലാ​ശി​ക്കുകയായിരുന്നു. സംഘര്‍ഷ സാധ്യതയെ തുടര്‍ന്ന് റാണിപേട്ടിലും സമീപ പ്രദേശങ്ങളിലും കൂടുതല്‍ പൊലീസിനെ വിന്യസിച്ചിട്ടുണ്ട്.