ഒരു ആണ്കുഞ്ഞിനെ വേണമെന്ന ആഗ്രഹം സാധിക്കാതെ വന്നപ്പോള് യുവതിയുടെ ചെയ്തത്?
ഏഴ് പെണ്കുട്ടികളുടെ അമ്മ ഒരു ആണ്കുഞ്ഞിനെ വേണമെന്ന അതിയായ ആഗ്രഹത്തില് ആശുപത്രിയില് നിന്നും നവജാതശിശുവായ ആണ്കുട്ടിയെ മോഷ്ടിച്ച് യുവതി. ഗുജറാത്തിലെ ഗാന്ധിനഗര് സിവില് ആശുപത്രിയില് ഇക്കഴിഞ്ഞ ഏപ്രില് ഒന്നിനാണ് ഞെട്ടിക്കുന്ന സംഭവം ഉണ്ടായത്. നഴ്സ് ചമഞ്ഞെത്തിയ മുപ്പതുകാരിയാണ് നവജാതശിശുവുമായി കടന്നു കളഞ്ഞത്.
സംഭവത്തില് അസ്മിത ഭാരതി എന്ന യുവതിയെ പൊലീസ് അറസ്റ്റ് ചെയ്തിട്ടുണ്ട്. ഏഴ് പെണ്കുട്ടികളുടെ അമ്മയായ ഇവര് ഒരു ആണ്കുഞ്ഞിനെ വേണമെന്ന ആഗ്രഹത്തിലാണ് ആശുപത്രിയില് നിന്നും കുഞ്ഞിനെ മോഷ്ടിച്ച് കടന്നതെന്നാണ് പൊലീസ് പറയുന്നത്. കല്ഭേലിയ എന്നയാളുടെ കുഞ്ഞാണ് അപഹരിക്കപ്പെട്ടത്. ഇക്കഴിഞ്ഞ മാര്ച്ച് 28നാണ് ഇയാളുടെ ഭാര്യയെ പ്രസവത്തിനായി ഗാന്ധിനഗര് മെഡിക്കല് കോളജില് പ്രവേശിപ്പിച്ചത്. ആണ്കുഞ്ഞിന് ജന്മം നല്കിയ ഇവര് മാര്ച്ച് 31ന് ഡിസ്ചാര്ജ് ആവുകയും ചെയ്തു. ഡിസ്ചാര്ജ് ആയ അതേദിവസം തന്നെയാണ് നഴ്സാണെന്ന് സ്വയം പരിചയപ്പെടുത്തി അസ്മിത ഈ കുഞ്ഞിന്റെ അമ്മയെ സമീപിക്കുന്നത്.
കുഞ്ഞിനെ പരിചരിക്കാന് തന്നെ ചുമതലപ്പെടുത്തിയിരിക്കുകയാണെന്ന് പറഞ്ഞ് വിശ്വസിപ്പിച്ച ഇവര്, അമ്മക്കും കുഞ്ഞിനുമൊപ്പം അവരുടെ വീട്ടിലെത്തി ഒരു രാത്രി കഴിയുകയും ചെയ്തു. തൊട്ടടുത്ത ദിവസം അമ്മയുടെയും കുഞ്ഞിന്റെയും തുടര് പരിശോധനയ്ക്കായി അസ്മിത തന്നെ ഇവരെയും കൂട്ടി ആശുപത്രിയിലെത്തി. ഇവിടെ വച്ചാണ് കുഞ്ഞുമായി കടന്നു കളഞ്ഞത്. ഭര്ത്താവ് ജിഗ്നേഷ് ഭാരതിയുടെ കൂടെ സഹായത്തോടെയായിരുന്നു തട്ടിക്കൊണ്ടു പോകല്.
ഇതിന് പിന്നാലെ തന്നെ കുട്ടിയുടെ പിതാവ് പരാതിയുമായി പൊലീസിനെ സമീപിച്ചു. ഉടനടി അന്വേഷണം ആരംഭിച്ച പൊലീസ് സിസിറ്റിവികളുടെയും സാക്ഷി മൊഴികളുടെയും അടിസ്ഥാനത്തിലാണ് പ്രതിയെ കണ്ടെത്തി കുഞ്ഞിനെ വീണ്ടെടുത്തത്. പ്രദേശത്തെ ഇരുന്നൂറോളം സിസിറ്റിവി ക്യാമറകളാണ് പൊലീസ് പരിശോധിച്ചത്. ഇതില് ആശുപത്രിയില് നിന്നും കുഞ്ഞുമായി ഒരു യുവതി ഓട്ടോയില് കയറിപ്പോകുന്ന ദൃശ്യങ്ങള് ലഭിച്ചു. ഇതിന്റെ അടിസ്ഥാനത്തില് ഓട്ടോറിക്ഷാ െ്രെഡവര്മാരെ ചോദ്യം ചെയ്യാന് ആരംഭിച്ചു.
അഞ്ഞൂറോളം പേരെയാണ് ചോദ്യം ചെയ്തത്. ലഭിച്ച സൂചനകള് അനുസരിച്ച് അസ്മിത ബനസ്കന്ദയിലേക്കാണ് കടന്നതെന്ന് വ്യക്തമായി. ഇവിടെയെത്തിയ പൊലീസ് സംഘം യുവതിയെ കസ്റ്റഡിയിലെടുത്ത് കുഞ്ഞിനെ തിരികെ കണ്ടെത്തുകയായിരുന്നു.
https://www.facebook.com/Malayalivartha