രാജ്യസഭാ തെരഞ്ഞെടുപ്പ്... നാമനിര്‍ദേശ പത്രിക സമര്‍പ്പിച്ച് എല്‍ഡിഎഫ് സ്ഥാനാര്‍ത്ഥികളായ ജോണ്‍ ബ്രിട്ടാസും ഡോ.വി ശിവദാസനും. രാവിലെ പതിനൊന്ന് 30 ഓടുകൂടി നിയമസഭാ സെക്രട്ടറിക്കാണ് ഇരുവരും പത്രിക സമര്‍പ്പിച്ചത്.

എല്‍ഡിഎഫ് കണ്‍വീനറും സിപിഐഎം ആക്ടിങ് സെക്രട്ടറിയുമായ എ വിജയരാഘവന്‍, സിപിഐ സംസ്ഥാന സെക്രട്ടറി കാനം രാജേന്ദ്രന്‍ ഉള്‍പ്പെടെയുള്ള നേതാക്കള്‍ക്കൊപ്പമെത്തിയാണ് ഇരുവരും പത്രിക സമര്‍പ്പിച്ചത്.




കെ.കെ രാഗേഷ്, വയലാര്‍ രവി, പി.വി അബ്ദുള്‍ വഹാബ് എന്നിവര്‍ ഈ മാസം 21ന് വിരമിക്കുന്ന ഒഴിവിലേക്കാണ് 20 തെരഞ്ഞെടുപ്പ് നടക്കുന്നത്.

രണ്ട് അംഗങ്ങളെ എല്‍ഡിഎഫിനും ഒരു അംഗത്തെ യുഡിഎഫിനും രാജ്യസഭയിലേക്ക് അയക്കാനുള്ള അംഗബലമാണ് നിലവില്‍ സഭയില്‍ ഉള്ളത് അതിനാല്‍ വോട്ടെടുപ്പ് ഉണ്ടാവില്ല. പിവി അബ്ദുള്‍ വഹാബ് തന്നെയാണ് യുഡിഎഫ് സ്ഥാനാര്‍ത്ഥി.