ടോ​ക്കി​യോ ഒ​ളി​മ്പി​ക്സി​ല്‍ വെ​ങ്ക​ല ​മെ​ഡ​ല്‍ നേ​ടി​യ ബാഡ്മിന്റണ്‍ താ​രം പി.​വി. സി​ന്ധു​വി​നെ അ​ഭി​ന​ന്ദി​ച്ച്‌ പ്ര​ധാ​ന​മ​ന്ത്രി ന​രേ​ന്ദ്ര മോ​ദി. സി​ന്ധു രാ​ജ്യ​ത്തി​ന്‍റെ അ​ഭി​മാ​ന​മെ​ന്ന് പ്ര​ധാ​ന​മ​ന്ത്രി ട്വി​റ്റ​റി​ല്‍ കു​റി​ച്ചു. ചൈ​ന​യു​ടെ ഹി ​ബിംഗ്ജാവോയെ പ​രാ​ജ​യ​പ്പെ​ടു​ത്തി​യാ​ണ് സി​ന്ധു വെ​ങ്ക​ല മെ​ഡ​ല്‍ നേ​ടി​യ​ത്.

ഇ​തോ​ടെ ര​ണ്ട് ഒ​ളി​മ്പി​ക്സ് മെ​ഡ​ല്‍ നേ​ടു​ന്ന ആ​ദ്യ ഇ​ന്ത്യ​ന്‍ വ​നി​താ താ​ര​മെ​ന്ന ച​രി​ത്ര​നേ​ട്ട​വും സി​ന്ധു സ്വ​ന്ത​മാ​ക്കി. 2016-ലെ ​റി​യോ ഒ​ളിമ്പി​ക്സി​ല്‍ സി​ന്ധു വെ​ള്ളി നേ​ടി​യി​രു​ന്നു. സു​ശീ​ല്‍ കു​മാ​റി​ന് ശേ​ഷം ഒ​ളി​മ്പിക്സി​ല്‍ ര​ണ്ട് മെ​ഡ​ല്‍ നേ​ടു​ന്ന ആ​ദ്യ ഇ​ന്ത്യ​ന്‍ താ​ര​മാ​ണ് സി​ന്ധു.

അതേസമയം, ടോക്കിയോ ഒളിമ്പിക്സില്‍ ബാഡ്മിന്റണ്‍ വനിതാ സിംഗിള്‍സില്‍ വെങ്കല മെഡല്‍ നേടിയ പി വി സിന്ധുവിനെ കോണ്‍ഗ്രസ് നേതാവ് രാഹുല്‍ ഗാന്ധി അഭിനന്ദിച്ചു.”ഇന്ത്യയ്ക്കായി രണ്ടാം മെഡല്‍ നേടിയ പി വി സിന്ധുവിന് വലിയ അഭിനന്ദനങ്ങള്‍,” രാഹുല്‍ ട്വീറ്റ് ചെയ്തു.

മുസാഷിനോ ഫോറസ്റ്റ് സ്പോര്‍ട്സ് പ്ലാസയില്‍ ചൈനയുടെ ഹി ബിംഗ്ജാവോയെ 21-13, 21-15 എന്ന സ്കോറിന് തോല്‍പ്പിച്ച്‌ സിന്ധു ഒളിമ്പിക്സില്‍ ഇന്ത്യയുടെ മെഡലിലേക്ക് രണ്ടാം മെഡല്‍ കൂട്ടിച്ചേര്‍ത്തു. ലോക്സഭാ എംപിയും മുതിര്‍ന്ന കോണ്‍ഗ്രസ് നേതാവായ പി ചിദംബരത്തിന്റെ മകനുമായ കാര്‍ത്തി ചിദംബരവും സിന്ധുവിന് ആശംസകള്‍ നേര്‍ന്നു.