ആര്യന് ബര്ഗര് പായ്ക്കറ്റുകളുമായി അമ്മ ഗൗരി ഖാന്, തിരിച്ചയച്ച് എന്.സി.ബി അധികൃതര്
ഖാന് കുടുംബത്തിലെ ഒരാളെ മയക്കു മരുന്ന് കേസില് എന്.സിബി തൂക്കിയെടുത്തപ്പോള് ബോളിവുഡ് കിടുകിടേ വിറച്ചു. ഷാരൂഖാന്റേയും ഗൗരി ഖാന്റേയും മകനായ ആര്യന് ഖാനെ അറസ്റ്റ് ചെയ്യാതിരിക്കാന് പലഭാഗങ്ങളില് നിന്നും സമ്മര്ദ്ദമുണ്ടായെങ്കിലും അതിലൊന്നും ഫലമുണ്ടായില്ല.
ആര്യന്റെ അറസ്റ്റോടെ ലഹരി മാഫിയകളുടെ കണ്ണികളെവരെ പിടികൂടാന് സാധിച്ചു. എന്നാല് ഇതില് മലയാളി ഉണ്ടെന്നത് നമ്മളെ ഏറെ ഞെട്ടിച്ച കാര്യമായിരുന്നു. ആര്യന് ഇയാളുമായി അടുത്ത ബന്ധമുണ്ടെന്നതടക്കം പുറത്തുവന്നു.പലപ്പോഴും ഇയാളാണ് ലഹരി വസ്തുക്കള് ഇവര്ക്കെത്തിച്ചു നല്കിയതെന്നും വിവരം ലഭിച്ചു.
എന്നാല് മകന്റെ അറസ്റ്റോടെ ആകെ പെട്ടിരിക്കുകയാണ് ഇപ്പോള് കിങ് ഖാന്. പലവഴിലൂടെയും ആര്യനെ പുറത്തിറക്കാന് നോക്കുന്നുവെങ്കിലും അതെല്ലാം വിഫലമാകുകയാണ്. എസ്.സി.ബി ആര്യനെ ചോദ്യം ചെയ്തപ്പോള് പൊട്ടിക്കരഞ്ഞു കൊണ്ടാണ് ആര്യന് മറുപടി നല്കിയതെന്നാണ് വിവരം. 4 വര്ഷം കൊണ്ട് ലഹരി വസ്തുക്കള് ഉപയോഗിക്കുന്നുണ്ടെന്നും താരപുത്രന് വെളിപ്പെടുത്തിയിരുന്നു.
എന്തായാലും ഇപ്പോഴും എന്.സിബി കസ്റ്റഡിയിലുള്ള ഓമന പുത്രനെ കാണാന് അമ്മ ഗൗരി ഖാന് എന്.സി.ബി ഓഫീസിലെത്തിയിരുന്നു. മകന്റെ ആരോഗ്യം നല്ല പോലെ നോക്കുന്ന അമ്മയായത് കൊണ്ട് മകനായി ഭക്ഷണ സാധനങ്ങള് കൈയ്യില് കരുതിയിരുന്നു. ഏതാനും ചില പായ്ക്കറ്റ് ബര്ഗറുമായാണ് ആര്യനെ ഒരു നോക്ക് കാണാന് ഗൗരി ഖാന് എത്തിയത്.
എന്നാല് എന്.സി.ബി ഉദ്യോഗസ്ഥരുടെ മറുപടി ശരിക്കും ഗൗരി ഖാനെ ഞെട്ടിച്ചു കളഞ്ഞു. ഇത് ആര്യന് കൊടുക്കാന് പറ്റില്ലെന്ന് അവര് പറഞ്ഞു. സുരക്ഷാ കാരണങ്ങള് ചൂണ്ടിക്കാട്ടിയാണ് ഇതിന് അനുവാദം നല്കാതിരുന്നത്. ആഡംബര ജീവിതം നയിച്ചിരുന്ന ആര്യന്, അവിടെ നിന്ന് കിട്ടുന്ന ഭക്ഷണം കഴിക്കാന് മടികാണും എന്ന ചിന്തയിലായിരിക്കാം ബര്ഗര് പായ്ക്കറ്റുകളുമായി ഗൗരി ഖാന് അവിടേക്ക് പാഞ്ഞെത്തിയത്.
പൂരി ബാജിയും, ദാല് ചാവലും ഒക്കെ അവിടെ സമീപത്തെ തട്ടുകടകളില് നിന്നും ഇവര്ക്ക് എത്തിച്ച് കൊടുക്കുമെങ്കിലും അതുവല്ലതും കഴിച്ച് ജീവിച്ച ശീലമുണ്ടോ ഈ ആഡംബര പ്രീയര്ക്ക്.എന്ത് ചെയ്യാനാ വെറെ ഒന്നും കിട്ടിയില്ലെങ്കില് ഇത് കഴിച്ചല്ലേ പറ്റൂ..വസ്ത്രങ്ങള് ഇടയ്ക്കിടെ മാറി പുതിയ ഫാഷന് വസ്ത്രങ്ങള് പരീക്ഷിക്കുന്ന ആര്യനും കൂട്ടരും പിടിയിലായപ്പോള് ധരിച്ച അതേ വസ്ത്രത്തില് തന്നെയാണ് ഇപ്പോഴും കഴിയുന്നത്.
ഞായറാഴ്ചയാണ് ആഡംബര കപ്പല് കോര്ഡിലിയയില് എന്സിബി ഉദ്യോഗസ്ഥര് നടത്തിയ പരിശോധനയില് ആര്യന് ഉള്പ്പെടെ എട്ടുപേര് അറസ്റ്റിലായത്. ആര്യന്റെ സുഹൃത്ത് അര്ബാസ് മെര്ച്ചന്റ്, മോഡലും നടിയുമായ മുന്മുന് ധമേച്ഛ, ഇസ്മീത് സിങ്, മൊഹക് ജസ്വാല്, ഗോമിത് ചോപ്ര, നുപുര് സരിഗ, വിക്രാന്ത് ഛോക്കാര് എന്നിവരാണ് അറസ്റ്റിലായത്. ഇവരില് നിന്ന് കൊക്കെയ്നും ഹാഷിഷും ഉള്പ്പെടെയുള്ള ലഹരിമരുന്നുകളും പിടിച്ചെടുത്തു.
ഫാഷന് ടിവി മാനേജിങ് ഡയറക്ടര് ഖാഷിഫ് ഖാന്റെ പങ്കാളിത്തത്തോടെയാണു കപ്പലില് ലഹരിവിരുന്നു സംഘടിപ്പിച്ചതെന്നാണ് വിവരം. രഹസ്യവിവരത്തെത്തുടര്ന്ന് എന്സിബി ഉദ്യോഗസ്ഥര് യാത്രക്കാരെപോലെ കയറുകയായിരുന്നു. സംഘാടകര് തന്നെ അതിഥിയായി ക്ഷണിച്ചതാണെന്നും പണം അടച്ച് കപ്പലില് ടിക്കറ്റ് എടുത്തിട്ടില്ലെന്നുമാണ് ആര്യന് അന്വേഷണസംഘത്തോടു പറഞ്ഞത്.
എന്നാല്, ആര്യന് ഖാന്റെ വാട്സാപില് ലഹരിമരുന്ന് ആവശ്യപ്പെട്ടുകൊണ്ടുള്ള സന്ദേശങ്ങള് അന്വേഷണസംഘം കണ്ടെത്തുകയായിരുന്നു.അതേസമയം, ആര്യന്റെ പക്കല്നിന്ന് ലഹരിമരുന്ന് കണ്ടെടുത്തിട്ടില്ലെന്ന് എന്സിബി അറിയിച്ചു.
ആര്യന്റെ സുഹൃത്ത് അര്ബാസ് ഖാന്റെ പക്കല്നിന്ന് 6 ഗ്രാം ചരസ് കണ്ടെത്തി. മറ്റൊരു പ്രതി മുണ്മുണ് ധമേച്ഛയുടെ പക്കല്നിന്ന് 5 ഗ്രാം ചരസും കണ്ടെടുത്തു. മറ്റ് അഞ്ചു പ്രതികളില് നിന്നായി കൊക്കെയ്നും എംഡിഎംഎയും പിടിച്ചെടുത്തു. മറ്റ് പ്രതികളുമായി ആര്യനും അര്ബാസിനും ബന്ധമില്ലെന്ന് ഇരുവരുടെയും അഭിഭാഷകര് വാദിച്ചത്.
സൂപ്പര് താരത്തിന്റെ മകന് ഇത്തരമൊരു പ്രവൃത്തിയില് ഏര്പ്പെടില്ലെന്നാണ് ഷാരൂഖ് ആരാധകര് പറയുന്നത്. കേസില് താരപുത്രനെ കുടുക്കിയതാവാമെന്നാണ് ബഹുഭൂരിപക്ഷം ആരാധകരുടെയും വിശ്വാസം. ഇതിന്റെ ഭാഗമായി ട്വിറ്ററില് 'വി സ്റ്റാന്ഡ് വിത്ത് എസ്ആര്കെ' എന്ന ഹാഷ്ടാഗ് ആരംഭിച്ചിട്ടുണ്ട്.
"
https://www.facebook.com/Malayalivartha