സമൂഹമാധ്യമങ്ങളിൽ ഒരു വിവാഹ പരസ്യം വൈറലാകുകയാണ്. ഭാവി വധുവിനു വേണ്ട ഗുണങ്ങൾ വിവരിക്കുന്ന ഭാഗത്തെയാണ് മറ്റുള്ളവർ വിമർശിക്കുന്നത്. പങ്കാളിക്കു വേണ്ട സ്വഭാവ ഗുണങ്ങൾ പരസ്യത്തിൽ ഉൾപ്പെടുത്താറുണ്ട് . എന്നാൽ തന്റെ പങ്കാളിക്കു വേണ്ട ശാരീരിക സവിശേഷതകളെ കുറിച്ചു വിവരിച്ചു കൊണ്ടാണ് യുവാവ് വിവാഹ പരസ്യം നൽകിയിരിക്കുന്നത് എന്നതാണ് ശ്രദ്ധേയമായ കാര്യം.

ഭാവിവധുവിന്റെ അരക്കെട്ടിനും മാറിടത്തിനും വേണ്ട അളവുകൾ യുവാവ് കൃത്യമായി പരസ്യത്തിൽ പറഞ്ഞിരിക്കുകയാണ്. പങ്കാളിയുടെ ഉയരം 6–7 അടിയുണ്ടായിരിക്കണം. മാറിടത്തിന്റെ അളവ് 32b അല്ലെങ്കിൽ 32c. അരക്കെട്ട് 12–16. കൂടാതെ വ്യത്യസ്തമായ ഡിമാൻഡുകളും യുവാവ് പറയുന്നുണ്ട്. 

പെൺകുട്ടി യാഥാസ്ഥിതികയും സ്വതന്ത്രചിന്താഗതിക്കാരിയുമായിരിക്കണം .കുട്ടികൾ ഉള്ള സ്ത്രീ വേണ്ട . 18നും 26 നും ഇടയിൽ പ്രായമുള്ളവരായിരിക്കണം. നായ്ക്കളെ സ്നേഹിക്കുന്നവളാകണം ഇങ്ങനെ ഒരുപാട് ഡിമാന്റുകൾ യുവാവ് മുന്നോട്ട് വയ്ക്കുന്നു. കഴിഞ്ഞ ആഴ്ചയായിരുന്നു സമൂഹമാധ്യമമായ റെഡിറ്റിലൂടെ ഈ വിവാദ വിവാഹ പരസ്യം പ്രചരിക്കാൻ തുടങ്ങിയത് . ഇതോടെ പരസ്യത്തിനെതിരെ വിമർശനങ്ങൾ ഉയർന്നു.

‘സത്യത്തിൽ ഇയാൾക്ക് ഒരു സ്ത്രീയെ തന്നെയാണോ വേണ്ടത്. ഇയാള്‍ ഒരു പങ്കാളിയെ അർഹിക്കുന്നില്ല, ഇവന് ഒരു ബാർബി പാവയെ വാങ്ങി നൽകാം .യാഥാസ്ഥിതികയും ഒപ്പം സ്വതന്ത്ര ചിന്താഗതിയും ഉള്ളവളായിരിക്കണം എന്ന വരി വായിച്ചപ്പോൾ പാരഡിയാണന്നു തോന്നി എന്നൊക്കെയാണ് വിമർശനം. എന്നാൽ പരസ്യം വൈറലായതോടെ വിവാഹ സൈറ്റ് ദുരുപയോഗം ചെയ്തതിനെതിരെ യുവാവിനെതിരെ നടപടിയെടുക്കാൻ ശുപാർശ ചെയ്തതായി അധികൃതർ പറഞ്ഞിരിക്കുകയാണ്.