വാരണാസിയില്‍ നിന്ന് ഡല്‍ഹിയിലേക്ക് 150 യാത്രയ്ക്കാരുമായി വന്ന എയര്‍ ഇന്ത്യാ വിമാനം ഹൈഡ്രോളിക് ലീക്ക് മൂലം അടിയന്തരമായി ലാന്‍ഡ് ചെയ്യുന്നതിനിടെ തീപിടിച്ചു. ഉടന്‍ തന്നെ തീ കെടുത്തി യാത്രക്കാരെ എല്ലാവരും ഒഴിപ്പിച്ചതിനാല്‍ വന്‍ ദുരന്തം ഒഴിവായി. ആറ് യാത്രക്കാര്‍ക്ക് നിസാര പരിക്കേറ്റു.

തിങ്കളാഴ്ച രാത്രി എട്ടു മണിയോടെയാണ് സംഭവം. ഖജുരാവോവാരണാസിഡല്‍ഹി എ.ഐ. 405 വിമാനം ഡല്‍ഹിയില്‍ നിന്നും 128 കിലോമീറ്റര്‍ ദൂരെ പറക്കുമ്പോള്‍ ഹൈഡ്രോളിക് ലീക്ക് ശ്രദ്ധയില്‍പ്പെട്ട ക്യാപ്റ്റന്‍ തരംഗ് ഗുപ്ത എമര്‍ജന്‍സി ലാന്‍ഡിംഗിന് അനുമതി തേടുകയായിരുന്നു. വിമാനത്തിന്റെ നോസ് വീലില്‍ നിന്ന് ചെറിയ തീപ്പൊരുകള്‍ മാത്രമാണ് ഉണ്ടായതെന്നും മറ്റ് അപകടങ്ങള്‍ ഒന്നും ഉണ്ടായിട്ടില്ലെന്നുമാണ് എയര്‍ ഇന്ത്യ അറിയിച്ചത്.
എന്നാല്‍ ലാന്‍ഡിംഗിനിടെ വിമാനത്തിന്റെ പിന്‍ ചക്രങ്ങള്‍ പൊട്ടിയെന്നും അടിഭാഗത്തു നിന്ന് പുക ഉയര്‍ന്നെന്നുമാണ് റിപ്പോര്‍ട്ട്. ഉടന്‍തന്നെ വിമാനത്താവളത്തില്‍ സജ്ജമായി നിന്ന രക്ഷാപ്രവര്‍ത്തകരും ഫയര്‍ യൂണിറ്റുകളും തീകെടുത്തുകയായിരുന്നു. ഇതേത്തുടര്‍ന്ന് യാത്രക്കാരെ അടിയന്തരമായി ഒഴിപ്പിക്കാന്‍ ക്യാപ്റ്റന്‍ ആവശ്യപ്പെടുകയായിരുന്നു. ഹൈഡ്രോളിക് സംവിധാനത്തിന്റെ ചോര്‍ച്ചയാണ് തീപിടിത്തത്തിന് കാരണമെന്ന് കരുതുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha