കനത്ത മഴയെ തുടര്‍ന്ന് ആസാമിന്റെ മിക്ക പ്രദേശങ്ങളും വെള്ളത്തിനടിയിലായതായും 27 ജില്ലകളില്‍ ഇരുപതെണ്ണവും വെള്ളപ്പൊക്കം മൂലമുളള ദുരിതത്തിലാണെന്നും ആസാമിലെ ദുരന്ത നിവാരണ അതോറിറ്റി അറിയിച്ചു. കനത്ത മഴ മൂലം നദികള്‍ കരകവിഞ്ഞൊഴുകി വെള്ളത്തിനടിയിലായതിനെ തുടര്‍ന്ന് 1880ലേറെ ഗ്രാമങ്ങളിലെ ഒരു ലക്ഷത്തിലേറെ കൃഷിയിടങ്ങളാണ് നശിച്ചത്.

വിവിധ ജില്ലകളിലായി ആറുപേരോളം ഇതുവരെ മരിച്ചതായും ദുരന്ത നിവാരണ അതോറിറ്റി വ്യക്തമാക്കി. ദേമാജി, കൊക്രജാര്‍, സോനിത്പൂര്‍, നല്‍ബാരി,ബൊണ്‍ഗാഗിയോണ്‍, ഗോല്‍പാറ, ബാര്‍പെറ്റ എന്നിങ്ങനെ വിവിധ ജില്ലകളിലായി പതിനെട്ടു ലക്ഷത്തോളം ജനങ്ങളാണ് വെള്ളപ്പൊക്കം മൂലമുളള ദുരിതങ്ങള്‍ അനുഭവിക്കുന്നത്.
വിവിധയിടങ്ങളിലായി 308 ദുരിതാശ്വാസ കേന്ദ്രങ്ങള്‍ ഇതുവരെ തുറന്നിട്ടുണ്ട്. ബ്രഹ്മപുത്ര നദി അപകടകരമായ രീതിയില്‍ പലയിടങ്ങളിലും കനത്ത മഴയെ തുടര്‍ന്ന് കരകവിഞ്ഞൊഴുകുകയാണെന്നും ഇതിനെ തുടര്‍ന്ന് പലയിടങ്ങളിലും ഗതാഗതം തടസപ്പെട്ടിരിക്കുകയാണെന്നും ദുരന്തനിവരാണ അതോറിറ്റി വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha