അഹമ്മദ് നഗറില്‍ ശനിഭഗവാന്‍ക്ഷേത്രത്തിലെ വിഗ്രഹ പ്രതിഷ്ഠയുടെ മുമ്പില്‍ യുവതി പ്രാര്‍ഥന നടത്തിയതിനെ തുടര്‍ന്ന് ക്ഷേത്രത്തില്‍ ശുദ്ധികലശം നടത്തിയത് വന്‍പ്രതിഷേധത്തിനിടയാക്കി. 

ക്ഷേത്രത്തിലെ അധികൃതര്‍ പാല്‍കൊണ്ട് വിഗ്രഹത്തില്‍ ശുദ്ധീകരണം നടത്തുകയായിരുന്നു. പരിസരപ്രദേശങ്ങളില്‍ ബന്ദ് നടത്തിയതിനുപുറമേ, \'സുരക്ഷാവീഴ്ചയുടെ\' പേരില്‍ ഏഴ് സുരക്ഷാജീവനക്കാരെ സസ്‌പെന്‍ഡും ചെയ്തു. 
നടപടി പരിഹാസ്യമായെന്ന് മുന്‍ ആഭ്യന്തരവകുപ്പ് അഡീഷണല്‍ സെക്രട്ടറി ചന്ദ്രാ അയ്യങ്കാര്‍ പ്രതികരിച്ചു. ഈശ്വരന്‍ എല്ലാവരെയും ഒരുപോലെയാണ് സൃഷ്ടിച്ചിരിക്കുന്നത്. വിശ്വാസത്തിന്റെ പേരില്‍ എന്തുചെയ്യണമെന്ന് ആരെയെങ്കിലും നിര്‍ബന്ധിക്കാന്‍ ആര്‍ക്കും അധികാരമില്ലെന്നും ആര്‍ത്തവകാലത്തുപോലും സ്ത്രീയെ ക്ഷേത്രത്തില്‍ കയറ്റരുതെന്ന് ദൈവം പറഞ്ഞിട്ടില്ലെന്നും അവര്‍ പറഞ്ഞു. 
ക്ഷേത്രഭരണസമിതി ഭരണഘടനാതീത ശക്തിയായി മാറിയിരിക്കുകയാണെന്ന് മുന്‍ ഉദ്യോഗസ്ഥ അബാസിങ് പറഞ്ഞു. സ്ത്രീകള്‍ക്ക് പ്രവേശനം അനുവദിക്കാത്തത് ഭരണഘടനാവിരുദ്ധമാണെന്നും അവര്‍ പ്രതികരിച്ചു.
500 വര്‍ഷമെങ്കിലും പഴക്കമുള്ള ക്ഷേത്രനിയമങ്ങള്‍ സ്ത്രീപുരുഷ സമത്വത്തിന്റെ ഈ കാലഘട്ടത്തില്‍ തീര്‍ത്തും വിവേചനപരമാണെന്ന് ദേശീയ മനുഷ്യവകാശക്കമ്മിഷന്‍ മുന്‍ അംഗം നിര്‍മലാ സാവന്ത് പ്രഭാവത്കര്‍ പറഞ്ഞു. 

ശനിഭഗവാന്‍ ക്ഷേത്രത്തിലെ പ്രതിഷ്ഠാസ്ഥലത്ത് കാലങ്ങളായി സ്ത്രീകള്‍ക്ക് പ്രവേശനം നിഷിദ്ധമാണ്. ബാരിക്കേഡ് ചാടിയാണ് യുവതി ഇവിടെയെത്തിയത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha