മഴക്കെടുതി ഒരു നഗരത്തെ മുഴുവന്‍ ഗ്രസിച്ചപ്പോള്‍ ശാരീരികാസ്വാസ്ഥ്യമുള്ളവര്‍ക്കും വയോധികര്‍ക്കും അത് വലിയ ദുരന്തമായി. പ്രസവവേദനയില്‍ വലയുന്ന സ്ത്രീകളെയും അസുഖബാധിതരായ വയോധികരെയും ആശുപത്രികളിലെത്തിക്കുക അതീവ ദുഷ്‌കരമായി. 
എല്ലാ ഹെല്‍പ്പ് ലൈനുകളും വിളികളുടെ ആധിക്യംകൊണ്ട് സ്തംഭിച്ചു. ബോട്ടുകളും വഞ്ചികളും കാത്ത് ജനങ്ങള്‍ വീടുകളുടെ മട്ടുപ്പാവുകളില്‍ കണ്ണിമ ചിമ്മാതെ കാത്തിരുന്നു. മഴക്കെടുതിയിലും അല്ലാതെയും മരിച്ചവരുടെ ബന്ധുക്കളുടെ അവസ്ഥ വാക്കുകള്‍ക്കതീതമായി. മൃതദേഹം ശ്മശാനത്തിലേക്കും സെമിത്തേരിയിലേക്കുമൊക്കെ എത്തിക്കുക ഏറെക്കുറെ അസാധ്യമായി. മൃതദേഹങ്ങള്‍ സൂക്ഷിക്കാന്‍ ഐസ്‌പെട്ടി കിട്ടുന്നതിലും കിട്ടിയാല്‍ തന്നെ പ്രവര്‍ത്തിപ്പിക്കാന്‍ വൈദ്യുതി ഇല്ലാത്തതും പ്രശ്‌നം വഷളാക്കി.

ചെന്നൈയുടെ പ്രാന്തപ്രദേശങ്ങളായ താംബരത്തും മുടിച്ചൂരും കഴിഞ്ഞ രണ്ടു ദിവസമായി വൈദ്യുതിയില്ലാത്തതിനാല്‍ അവിടെയുള്ളവര്‍ മൊബൈല്‍ ഫോണ്‍ പോലും പ്രവര്‍ത്തിപ്പിക്കാനാവാതെ വലഞ്ഞു. ഇവര്‍ക്ക് പുറംലോകവുമായി ബന്ധപ്പെടാന്‍ കഴിയാത്ത അവസ്ഥയിലാണ് ഈ ഭാഗങ്ങളിലുള്ളവര്‍. ഇന്ത്യന്‍ സൈന്യത്തിന്റെയും ദേശീയ ദുരന്ത നിവാരണ സേനയുടെയും വരവിലാണ് ഇവര്‍ പ്രതീക്ഷയര്‍പ്പിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha