ഇക്കൊല്ലത്തെ റിപ്പബ്ലിക് ദിന പരേഡ് വീണ്ടും വാര്‍ത്തയില്‍ ഇടംപിടിയ്ക്കുന്നു. ഇന്ത്യയുടെ ചരിത്രത്തിലാദ്യമായി ഒരു വിദേശസേന പരേഡില്‍ പങ്കെടുക്കുന്നതിന് പിന്നാലെ ഇക്കുറി ശ്വാനസേനയും പങ്കുചേരുമെന്നതാണ് പുതിയ വാര്‍ത്ത.

26 കൊല്ലത്തിന് ശേഷമാണ് ശ്വാനസേനയെ പരേഡിന്റെ ഭാഗമാക്കുന്നതെന്നാണ് വിവരം. തീവ്രവാദ വിരുദ്ധ പോരാട്ടങ്ങളില്‍ നിരവധി സൈനികരെ രക്ഷപ്പെടുത്തിയ ധീര ചരിത്രമുള്ള വിഭാഗമാണ് കരസേനയുടെ ഭാഗമായ ശ്വാനസേന.

1200 ഓളം ലാബ്രഡോറുകളും ജര്‍മ്മന്‍ ഷെപ്പേഡും ഇന്ത്യന്‍ സേനയുടെ ഭാഗമായുണ്ടെന്നാണ് കണക്ക്. ഇതില്‍ നിന്ന് തിരഞ്ഞെടുത്ത 36 നായകള്‍ പരിശീലകര്‍ക്കൊപ്പം പരേഡില്‍ നടക്കും.

ധീരസേവനത്തിന് സേനയിലെ നായകളും പരിശീലകരും ഇതുവരെ നേടിയ പുരസ്‌കാരം നിരവധിയാണ്. ഒരു ശൗര്യചക്ര, ആറ് സേനാ മെഡലുകള്‍, 142 കോസ് കമന്റേഷന്‍ കാര്‍ഡുകള്‍, ആറ് വികോസ് കമന്റേഷന്‍ കാര്‍ഡുകള്‍ എന്നിവയും ഈ സൈനിക വിഭാഗത്തിന്റെ നേട്ടമാണ്.

എന്നാല്‍ വിരമിച്ച ശേഷം ഈ ജീവികളെ മരുന്ന് വച്ച് കൊല്ലുമെന്ന വിവരാവകാശ നിയമപ്രകാരമുള്ള സൈന്യത്തിന്റെ മറുപടി സാധാരണക്കാരുടെയും നായസ്‌നേഹികളുടെയും ശക്തമായ പ്രതിഷേധത്തിന് കാരണമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha