ഹിമാചല്‍ പ്രദേശിലെ ചമ്പ ജില്ലയില്‍ വ്യാഴാഴ്ച 5.3 തീവ്രത രേഖപ്പെടുത്തിയ ഭൂചലനത്തില്‍ ഉത്തരേന്ത്യയുടെ ചില ഭാഗങ്ങളില്‍ ഭൂചലനം അനുഭവപ്പെട്ടു. രാത്രി 9.34നാണ് ഭൂചലനമുണ്ടായതെന്ന് നാഷണല്‍ സെന്റര്‍ ഫോര്‍ സീസ്‌മോളജി (എന്‍സിഎസ്) അറിയിച്ചു.

ചമ്പ ജില്ലയില്‍ 10 കിലോമീറ്റര്‍ ആഴത്തിലാണ് ഭൂചലനം ഉണ്ടായതെന്ന് ഷിംലയിലെ കാലാവസ്ഥാ വകുപ്പ് ഉദ്യോഗസ്ഥര്‍ അറിയിച്ചു.

1905-ല്‍ ഹിമാചല്‍ പ്രദേശിലെ കംഗ്രയില്‍ ഈ ദിവസം ഉണ്ടായ 8 തീവ്രത രേഖപ്പെടുത്തിയ ഭൂകമ്പം വലിയ തോതിലുള്ള മരണത്തിനും നാശത്തിനും കാരണമായി. ചണ്ഡീഗഢിലും പഞ്ചാബ്, ഹരിയാന എന്നിവിടങ്ങളിലും നേരിയ ഭൂചലനം അനുഭവപ്പെട്ടു.

അതേസമയം ഏപ്രില്‍ ഒന്നിന് ഹിമാചല്‍ പ്രദേശിലെ ചമോലി, സഹൗള്‍, സ്പിതി എന്നിവിടങ്ങളില്‍ ചെറിയ രീതിയിലുള്ള ഭൂചലനമുണ്ടായിരുന്നു.