പുതുജീവനേകി ഭാവന യാത്രയായി...മോഡി പ്രശംസിച്ച ഭാവന ഇനി ഓര്മ്മ മാത്രം
ദൈവം ഒടുവില് ഈ മിടുക്കിയെ സ്വര്ഗത്തിലോട്ട് വിളിച്ചു. പ്രധാനമന്ത്രി നരേന്ദ്ര മോഡി തന്റെ ശബ്ദം കൊണ്ട് പ്രശംസിച്ച ഭാവന ലക്ഷ്മിയ്ക്ക് നാട്ടിലെ ജനങ്ങള് നല്കിയത് മറക്കാന് പറ്റാത്ത വിടപറയല്. സൗത്ത് ചിറ്റൂര് സെന്റ് മേരീസ് സ്കൂളിലെ രണ്ടാം ക്ലാസ് വിദ്യാര്ഥിനിയായിരുന്നു ഭാവന. അവയവങ്ങളെല്ലാം ദാനം ചെയ്ത ഈ മിടുക്കി സാമൂഹത്തിന് തന്നെ എന്നും മാതൃകയാണ്. മൂന്നു ജീവിതങ്ങള്ക്ക് പുതു ജീവന് നല്കിയാണ് ഭാവന വിടപറഞ്ഞത്. ഈ ആറു വയസുകാരി നാടിനെന്നും മാതൃകയും ആവേശവുമായിരുന്നു.
ചിറ്റൂര് ലക്ഷ്മിനിവാസില് ആര്.എസ്. മൂര്ത്തിയുടെയും പ്രസന്നയുടെയും മകളായ ഭാവന ലക്ഷ്മി (6) കഴിഞ്ഞ ദിവസമാണു കൊച്ചി ആസ്റ്റര് മെഡ്സിറ്റിയില് മരണത്തിനു കീഴടങ്ങിയത്.ചിറ്റൂര് സെന്റ് മേരീസ് യുപി സ്കൂളില് അവയവദാന ബോധവല്ക്കരണ പ്രചാരണ പരിപാടി തുടങ്ങുന്നതിനു കാരണക്കാരിയാണു ഭാവന ലക്ഷ്മി. തലച്ചോറില് ട്യൂമര് ബാധിച്ച സഹപാഠിയെ സഹായിക്കാന് അവയവ ദാനത്തിലൂടെ കഴിയുമോയെന്ന സഹപാഠികളുടെ ആശയമാണ് അവയവദാന സന്ദേശത്തിനായി രാജ്യം ശ്രദ്ധിച്ച പ്രചാരണ പരിപാടി സംഘടിപ്പിക്കാന് നിമിത്തമായത്.
സ്കൂളിലെ വിദ്യാര്ഥികളും അധ്യാപകരും ചേര്ന്നു തുടക്കമിട്ട \'ഒരുമയിലൊരിന്ത്യ മാനവികതയ്ക്കായി ഒരു കയ്യൊപ്പ്\' എന്ന ബോധവല്ക്കരണ പരിപാടി പ്രധാനമന്ത്രി നരേന്ദ്ര മോദിയുടെ റേഡിയോ പ്രഭാഷണമായ മന് കി ബാത്തില് പ്രശംസ പിടിച്ചു പറ്റിയിരുന്നു.
അവയവ ദാനത്തിന്റെ സന്നദ്ധത അറിയിച്ച് ഇന്ത്യയുടെ വലിയ ഭൂപടത്തില് വിദ്യാര്ഥികളുടെയും നാട്ടുകാരുടെയും വിരല് മുദ്രകള് പതിപ്പിച്ചാണു പ്രധാനമന്ത്രിക്കു അയച്ചത്. പ്രഭാഷണത്തില് ഭാവന ലക്ഷ്മിയുടെ പേരു പറഞ്ഞാണു പ്രധാനമന്ത്രി നരേന്ദ്രമോദി സ്കൂളിന്റെ സംരംഭത്തെ അനുകൂലിച്ചത്.
ബ്രെയിന് ട്യൂമര് ബാധിച്ച ഭാവന ലക്ഷ്മി മൂന്നു വര്ഷമായി ചികില്സയിലായിരുന്നു. മസ്തിഷ്ക മരണം സ്ഥിരീകരിച്ച ഭാവന ലക്ഷ്മിയുടെ അവയവങ്ങള് ദാനം ചെയ്യാന് മാതാപിതാക്കള് ീരുമാനമെടുക്കുകയായിരുന്നു. കുട്ടിയുടെ വൃക്കകള് ലേക് ഷോര് ആശുപത്രിയില് ചികില്സയിലുള്ള രണ്ടു പേര്ക്കും കരള് ആസ്റ്റര് മെഡ്സിറ്റിയില് ചികില്സയില് കഴിയുന്ന തൃശൂര് സ്വദേശിയായ 51 കാരനുമാണു മാറ്റിവച്ചത്.
ആസ്റ്റര് മെഡ്സിറ്റിയില് നടന്ന ശസ്ത്രക്രിയയ്ക്ക് ഡോ. മാത്യു ജേക്കബ്, ഡോ. റെഹാന് സെയ്ഫ്, ഡോ. നവീന് ഗാന്ജൂ, ഡോ. സുരേഷ് ജി. നായര് എന്നിവര് നേതൃത്വം നല്കി. ശ്രീലക്ഷ്മി, ആകാശ് എന്നിവരാണു ഭാവന ലക്ഷ്മിയുടെ സഹോദരങ്ങള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
