അമേരിക്കയിലെ മുൻനിര ഇലക്ട്രിക് കാർ നിർമാതാക്കളായ ടെസ്‌ല ഇന്ത്യയിലേയ്ക്ക് വരുന്നു. വെറുതെ വരുന്നതല്ല, നരേന്ദ്രമോദി സര്‍ക്കാരിന്റെ ക്ഷണം സ്വീകരിച്ച് ഭാരതത്തില്‍ 24000 കോടി രൂപയുടെ ഇലക്ട്രിക് കാര്‍ പ്ലാന്റ് സ്ഥാപിക്കാന്‍ ആണ്  ഇലോണ്‍ മസ്‌ക്ക് വരുന്നത്. അധികം വൈകാതെ തന്നെ ടെസ്‌ലയുടെ ഒരു സംഘം ഇന്ത്യ സന്ദർശിക്കുമെന്നും കമ്പനിയുടെ പ്ലാൻ്റിനായി സ്ഥലം അന്വേഷിക്കുമെന്നുമാണ് റിപ്പോര്‍ട്ട്.

പ്ലാന്റിനായുള്ള സൈറ്റുകള്‍ പഠിക്കാന്‍ ടെസ്‌ല ഏപ്രില്‍ അവസാനത്തോടെ യുണൈറ്റഡ് സ്‌റ്റേറ്റ്‌സില്‍ നിന്ന് ഒരു ടീമിനെ ഇന്ത്യയിലേക്ക് അയക്കും. 2 ബില്യണ്‍ മുതല്‍ 3 ബില്യണ്‍ ഡോളര്‍ വരെയുള്ള പദ്ധതിക്കാണ് കമ്പനി ലക്ഷ്യം വയ്‌ക്കുന്നത്.  കമ്പനിയുടെ ഫാക്ടറിക്ക് ഇവിടെ ഭൂമി കണ്ടെത്തുന്നതിന് ഈ സംഘം പ്രവർത്തിക്കും. പുതിയ പ്ലാൻ്റ് സ്ഥാപിക്കുന്ന സ്ഥലം കമ്പനി ശ്രദ്ധാപൂർവ്വം പഠിക്കുകയാണെന്നാണ് റിപ്പോർട്ടുകൾ.

ലൊക്കേഷൻ ഇതുവരെ അന്തിമമാക്കിയിട്ടില്ലെങ്കിലും, ടെസ്‌ല ഫാക്ടറിയുടെ സാധ്യതയുള്ള പട്ടികയിൽ മഹാരാഷ്ട്ര, ഗുജറാത്ത്, തമിഴ്‌നാട് തുടങ്ങിയ ഓട്ടോമോട്ടീവ് ഹബ്ബുകളുള്ള സംസ്ഥാനങ്ങൾ ഉൾപ്പെടുന്നു. അടുത്തിടെ, രാജ്യത്ത് ഇലക്ട്രിക് വാഹനങ്ങളുടെ ഉത്പാദനം പ്രോത്സാഹിപ്പിക്കുന്നതിനായി ഇന്ത്യാ ഗവൺമെൻ്റ് പുതിയ നയം തയ്യാറാക്കിയിരുന്നു. ഈ നയം അനുസരിച്ച് കുറഞ്ഞത് 500 ദശലക്ഷം ഡോളർ നിക്ഷേപിക്കുകയും പ്രാദേശിക ഉൽപ്പാദനം നടത്തുകയും ചെയ്യുന്ന കമ്പനികൾക്ക് ഇറക്കുമതി തീരുവയിൽ ഇന്ത്യ ഇളവ് നൽകും.

മത്സരം ചൂടുപിടിക്കുന്ന സമയത്ത് ടെസ്‌ലയുടെ ആദ്യ പാദ ഡെലിവറികളില്‍ ഇടിവുണ്ടാകാനും എസ്റ്റിമേറ്റ് നഷ്ടപ്പെടാനും കാരണമായതിനു പിന്നാലെയാണ് ഇന്ത്യയിലേക്ക് മസ്‌ക്ക് എത്തിയത്. യുഎസിലെയും ചൈനയിലെയും പ്രധാന വിപണികളില്‍ ഇവി ഡിമാന്‍ഡ് മന്ദഗതിയിലായതും ഒരു കാരണമാണ്.

മഹാരാഷ്‌ട്ര, ഗുജറാത്ത്, തമിഴ്‌നാട് തുടങ്ങിയ ഓട്ടോമോട്ടീവ് ഹബ്ബുകളുള്ള ഇന്ത്യന്‍ സംസ്ഥാനങ്ങളില്‍ ഇവി നിര്‍മ്മാതാവ് ശ്രദ്ധ കേന്ദ്രീകരിക്കുമെന്നാണ് റിപ്പോര്‍ട്ട്. കുറഞ്ഞത് 500 മില്യണ്‍ ഡോളര്‍ നിക്ഷേപിക്കാനും മൂന്ന് വര്‍ഷത്തിനുള്ളില്‍ ആഭ്യന്തര ഉല്‍പ്പാദനം ആരംഭിക്കാനും പ്രതിജ്ഞാബദ്ധരായ വാഹന നിര്‍മ്മാതാക്കള്‍ നിര്‍മ്മിക്കുന്ന ചില ഇവികളുടെ ഇറക്കുമതി നികുതി ഇന്ത്യ കഴിഞ്ഞ മാസം കുറച്ചിരുന്നു, ഇത് വിപണിയിലെ ടെസ്‌ലയുടെ പദ്ധതികളെ ശക്തിപ്പെടുത്തുന്നതായി കാണപ്പെട്ടു.


കമ്പനി വര്‍ഷങ്ങളായി ഇന്ത്യയിലേക്ക് കടക്കാന്‍ ശ്രമിക്കുന്നുണ്ടെങ്കിലും പ്രാദേശിക ഉല്‍പ്പാദനത്തില്‍ പ്രതിബദ്ധത വേണമെന്നാണ് സര്‍ക്കാര്‍ ആവശ്യപ്പെട്ടത്. ഇന്ത്യയുടെ ഇവി വിപണി, ചെറുതും എന്നാല്‍ വളരുന്നതുമാണ്. ഇതില്‍ മുന്നില്‍ ആഭ്യന്തര കാര്‍ നിര്‍മ്മാതാക്കളായ ടാറ്റ മോട്ടോഴ്‌സാണ്. 2023ല്‍ ഇന്ത്യയിലെ മൊത്തം കാര്‍ വില്‍പ്പനയുടെ 2% ഇവികളായിരുന്നു. 2030ഓടെ ഇത് 30% ആകാനാണ് സര്‍ക്കാര്‍ ലക്ഷ്യമിടുന്നത്.

ഇന്ത്യന്‍ വിപണിയിലേക്കുള്ള ടെസ്‌ലയുടെ പ്രവേശനം കൂടുതല്‍ ഇവി നിക്ഷേപങ്ങള്‍ വര്‍ദ്ധിപ്പിക്കുമെന്നും പ്രാദേശിക വാഹന പാര്‍ട്‌സ് നിര്‍മ്മാതാക്കള്‍ക്ക് നേട്ടമുണ്ടാക്കുമെന്നും വിദഗ്ധര്‍ വ്യക്തമാക്കി. ജൂണില്‍ പ്രധാനമന്ത്രി നരേന്ദ്ര മോദിയുമായി മസ്‌ക് കൂടിക്കാഴ്ച നടത്തിയതിനു പിന്നാലെയാണ് ടെസ്‌ല അധികൃതര്‍ കഴിഞ്ഞ വര്‍ഷം സര്‍ക്കാര്‍ ഉദ്യോഗസ്ഥരുമായി ചര്‍ച്ച നടത്തിയത്.

അമേരിക്കയിലും ചൈനയിലും ടെസ്‌ല ശക്തമായ വെല്ലുവിളികൾ നേരിടുന്നുണ്ട്. ചൈനീസ് ഇലക്ട്രിക് കാർ നിർമ്മാതാക്കളായ ബിൽഡ് യുവർ ഡ്രീം (ബിവൈഡി) വാഹന വിൽപ്പനയിൽ ടെസ്‌ലയെ പിന്തള്ളിയിരുന്നു. ഇക്കാരണങ്ങളാൽ, ടെസ്‌ല മറ്റ് വിപണികളിൽ തങ്ങളുടെ സ്ഥാനം ശക്തമാക്കാൻ അതിവേഗം തയ്യാറെടുക്കുകയാണ്.

ഇന്ത്യയ്ക്കായുള്ള ടെസ്‌ലയുടെ പദ്ധതികൾ നിർമ്മാണത്തിൽ മാത്രം ഒതുങ്ങുന്നില്ല. റോയിട്ടേഴ്‌സ് റിപ്പോർട്ട് അനുസരിച്ച്, ഇന്ത്യൻ വിപണിയിൽ 24,000 ഡോളർ (ഏകദേശം 20 ലക്ഷം രൂപ) വിലയുള്ള ഏറ്റവും വിലകുറഞ്ഞ ഇലക്ട്രിക് കാർ നിർമ്മിക്കാനും കമ്പനി പദ്ധതിയിട്ടിട്ടുണ്ട്. ഇതിനുപുറമെ, ഉയർന്ന മോഡലുകൾക്ക് നികുതി ഇളവ് നൽകണമെന്ന് കമ്പനി പറയുന്നു.

ടെസ്‌ലയുമായി കരാർ ഒപ്പിടുന്നതിനൊപ്പം  അടുത്ത വർഷം മുതൽ രാജ്യത്ത് ഇലക്ട്രിക് വാഹനങ്ങൾ ഇറക്കുമതി ചെയ്യാനും വിൽക്കാനും കഴിയുമെന്ന് ആണ് പ്രതീക്ഷ  രണ്ട് വർഷത്തിനകം ഫാക്ടറി സ്ഥാപിക്കാനുള്ള സൗകര്യം ഉണ്ടാകും. ടെസ്‌ലയുടെ ഇന്ത്യൻ പ്രവേശനം ഏറെക്കാലമായി വാഹനലോകം കാത്തിരിക്കുകയാണ്. അടുത്തിടെ പ്രധാനമന്ത്രി നരേന്ദ്ര മോദിയുടെ യുഎസ് സന്ദർശനത്തിനിടെ ടെസ്‌ല സിഇഒ എലോൺ മസ്‌കും പ്രധാനമന്ത്രി മോദിയും തമ്മിൽ നടത്തിയ കൂടിക്കാഴ്ച ഈ ചർച്ചയ്ക്ക് ആക്കം കൂട്ടി.

അതിനുശേഷം ഇന്ത്യയിൽ ടെസ്‌ല കാറുകൾ പുറത്തിറക്കുന്നതിനെക്കുറിച്ചും പ്ലാൻ്റ് സ്ഥാപിക്കുന്നതിനെക്കുറിച്ചും എലോൺ മസ്‌ക് സംസാരിച്ചു. 2024-ഓടെ ഇന്ത്യയിൽ "പ്രധാനമായ നിക്ഷേപം" നടത്താൻ ടെസ്‌ല ആലോചിക്കുന്നതായി കഴിഞ്ഞ വർഷം ജൂണിൽ എലോൺ മസ്‌ക് പറഞ്ഞിരുന്നു.

ഇന്ത്യൻ വിപണിയിൽ ഇലക്ട്രിക് വാഹനങ്ങളുടെ ആവശ്യം അതിവേഗം വർധിച്ചുവരികയാണ്. കഴിഞ്ഞ വർഷം, രാജ്യത്ത് വിറ്റഴിച്ച മൊത്തം പാസഞ്ചർ വാഹനങ്ങളിൽ ഇലക്ട്രിക് വാഹനങ്ങളുടെ മാത്രം വിഹിതം ഏകദേശം 1.3 ശതമാനം ആയിരുന്നു. ഇത് ഈ വർഷം ഇനിയും വർദ്ധിക്കുമെന്ന് പ്രതീക്ഷിക്കുന്നു.