തമിഴകത്ത് താമര വിരിയിക്കാന് എന്ഡിഎക്കായില്ല... തമിഴ്നാട്ടിലെ 39 സീറ്റില് 39 ഇടത്തും ഇന്ത്യ സഖ്യം വിജയം നേടി
താമര വിരിയിക്കാമെന്ന ബിജെപിയുടെ മോഹം തകര്ത്ത് തമിഴകം. ബിജെപി തമിഴ്നാട് സംസ്ഥാന അധ്യക്ഷനും കോയമ്പത്തൂരിലെ എന്ഡിഎ സ്ഥാനാര്ത്ഥിയുമായ കെ അണ്ണാമലൈ കളത്തിലിറക്കിയിട്ടും തമിഴകത്ത് അക്കൗണ്ട് തുറക്കാന് എന്ഡിഎക്കായില്ല. തമിഴ്നാട്ടിലെ 39 സീറ്റില് 39 ഇടത്തും ഇന്ത്യ സഖ്യമാണ് വിജയം നേടിയത്.
മിന്നും വിജയത്തോടെ സംസ്ഥാന രാഷ്ട്രീയത്തില് അനിഷേധ്യനാവുകയാണ് മുഖ്യമന്ത്രി എം കെ സ്റ്റാലിന്. കനത്ത തോല്വിയില് കെ അണ്ണാമലൈക്ക് മുഖം നഷ്ടമായപ്പോള് എടപ്പാടി പളനിസാമിക്ക് മുന്നിലും പ്രതിസന്ധി ഏറുകയാണ്. എഐഎഡിഎകെ നേതാവും മുന്മുഖ്യമന്ത്രിയുമായ പളനിസാമിയുടെ അതിജീവന പോരാട്ടവും തമിഴ്നാട്ടില് ഫലം കണ്ടില്ല.
അതേസമയം, ഭരണത്തിലെത്തി മൂന്നാം വര്ഷം കേന്ദ്ര ഏജന്സികള് ഉയര്ത്തിയ പ്രതിസന്ധിയും പ്രളയത്തിന് പിന്നാലെ ഉരുണ്ടുകൂടിയ ജനരോഷവും മറികടന്ന് നേടിയ വിജയം സ്റ്റാലിനെയും മകന് ഉദയനിധിയെയും കരുത്തരാക്കും. വിജയം കൊയ്യാന് ഡിഎംകെയ്ക്കായി എന്നതാണ് ശ്രദ്ധേയം.
https://www.facebook.com/Malayalivartha
