പലയിടത്തും ഇന്നും ഗുരുതരമായ രീതിയിൽ ആൾക്കൂട്ട വിചാരണകളും അതെ തുടർന്ന് അവർ മരിക്കുന്ന സംഭവങ്ങളും സ്ഥിരമാണ്. ഇന്ന് അതൊരു ഒറ്റപ്പെട്ട സംഭവമായി നമ്മുക് കാണാൻ ആയിട്ട് സാധിക്കില്ല. എന്തിനേറെ പറയുന്നു. പ്രബുദ്ധരെന്ന് വിളിക്കുന്ന കേരളത്തിൽ പോലും അത്തരം സംഭവം നടന്നത് ഏറെ ഞെട്ടലുണ്ടാക്കിയിരുന്നു. അങ്ങേയറ്റം നമ്മുടെ തല കുനിപ്പിക്കുന്ന സംഭവമാണ് ഉണ്ടായത്. ഇപ്പോഴും അത്തരം സംഭവങ്ങൾ നമ്മുടെ കേരളം വിട്ടു കഴിഞ്ഞാൽ പല സംസ്ഥാനങ്ങളിലും സർവ സാധാരണമാണ്. ഇപ്പോഴിതാ മോഷണക്കുറ്റം ആരോപിച്ച് യുവാവിന് ക്രൂരമര്‍ദ്ദനം. കൈകള്‍ പിന്നില്‍ ബന്ധിക്കുകയും ജനനേന്ദ്രിയത്തില്‍ മുളകുപൊടി വിതറുകയും ചെയ്തു.

ബിഹാറിലെ അരാറിയയിലുള്ള ഇസ്ലാംനഗറിലാണ് സംഭവം നടന്നത്. മോഷണക്കുറ്റം ആരോപിച്ച് ഒരു കൂട്ടം ആളുകള്‍ ഒരു യുവാവിനെ ബന്ധനസ്ഥനാക്കുന്ന വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. മുഹമ്മദ് സിഫാത് എന്നയാളെയാളാണ് നാട്ടുകാരുടെ പിടിയിലായത്. ഇയാളെ മുട്ടില്‍ നിര്‍ത്തി വിവസ്ത്രനാക്കാന്‍ ശ്രമിക്കുന്നത് വീഡിയോയില്‍ കാണാം. ഇതിനിടെ പിടിയിലായ വ്യക്തിയുടെ മലദ്വാരത്തിലൂടെ ഒരാള്‍ പെന്‍സില്‍ തിരുകുകയും ചെയ്തു. സംഭവസമയത്ത് അവിടെയുണ്ടായിരുന്ന നിരവധി പേര്‍ പകര്‍ത്തിയ വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചിരുന്നു. വീഡിയോ വൈറലായതിന് പിന്നാലെയാണ് പോലീസ് സംഭവത്തില്‍ നടപടി സ്വീകരിച്ചത്.

അതേസമയം, സംഭവത്തില്‍ നിതീഷ് കുമാര്‍ സര്‍ക്കാരിനെതിരെ രൂക്ഷ വിമര്‍ശനവുമായി ആര്‍ജെഡി നേതാവ് തേജസ്വി യാദവ് രംഗത്തെത്തി. ബിഹാറില്‍ 'താലിബാന്‍ രാജ്' ആണ് നടക്കുന്നത് എന്ന് വ്യക്തമാക്കുന്ന സംഭവങ്ങളാണ് അരങ്ങേറുന്നതെന്ന് തേജസ്വി പറഞ്ഞു.ഭാരതീയ ന്യായ സംഹിതയിലെ സെക്ഷന്‍ 109 (കൊലപാതകശ്രമം), സെക്ഷന്‍ 117(4) (അഞ്ചോ അതിലധികമോ ആളുകളുടെ ഒരു സംഘം ഉണ്ടാക്കിയ ഗുരുതരമായ മുറിവ്) എന്നിവ പ്രകാരം പോലീസ് കേസെടുത്തു. സംഭവത്തില്‍ ഉള്‍പ്പെട്ട മറ്റുള്ളവരെ കണ്ടെത്തി അറസ്റ്റ് ചെയ്യാനുള്ള ശ്രമങ്ങള്‍ പുരോഗമിക്കുകയാണെന്നും ഇതുമായി ബന്ധപ്പെട്ട ഒരു പ്രതിയെ അറസ്റ്റ് ചെയ്തിട്ടുണ്ടെന്നും പോലീസ് അറിയിച്ചു.

ഏതായാലും യുവാവിനെ പരസ്യമായി മർദിക്കുന്നതിന്റെ വീഡിയോ പുറത്തു വന്നതിന് പിന്നാലെ തന്നെ നിരവധി ആളുകളാണ് വ്യാപക വിമർശനം ഉയർത്തി കൊണ്ട് രംഗത്ത് വരുന്നത്. സർക്കാരിനെതിരെയും വിമർശനം ഉയരുന്നുണ്ട്. ഇതിപ്പോൾ സമാനമായ രീതിയിൽ ആഴ്ചകൾക്ക് മുൻപ് മറ്റൊരു സംഭവം കൂടെ റിപ്പോർട്ട് ചെയ്തിരുന്നു . മോഷണക്കുറ്റം ആരോപിച്ച് പ്രായപൂർത്തിയാവാത്ത ആൺകുട്ടികളെ ക്രൂരമായി മർദിച്ച് തല മൊട്ടയടിച്ച് ന​ഗ്നരാക്കി മർദിച്ച് കടയുടമയും സംഘവും ക്രൂരത കാണിച്ചിരുന്നു.

ഉത്തർപ്രദേശിലെ കസ്​ഗഞ്ച് ജില്ലയിലെ ധോൽന പൊലീസ് സ്റ്റേഷൻ പരിധിയിലെ വാഹിദ്പൂർ മർഫിയിലാണ് സംഭവം. 10ഉം 14ഉം വയസ് പ്രായമുള്ള സഹോദരങ്ങളാണ് ആക്രമണത്തിന് ഇരയായത്.ഒരു കടയിൽ നിന്ന് 5000 രൂപ മോഷ്ടിച്ചെന്നാരോപിച്ചായിരുന്നു മർദനവും അധിക്ഷേപവും. എന്നാൽ കുട്ടികളുടെ കൈയിൽ നിന്നും പണം കണ്ടെത്താനായതുമില്ല. ഇരുവരുടെയും കൈകൾ ബന്ധിച്ച് മർദിച്ച ശേഷം തലമുടി വടിക്കുകയും ​ഗ്രാമത്തിലൂടെ ന​ഗ്നരാക്കി നടത്തുകയുമായിരുന്നു. സംഭവത്തിന്റെ വീഡിയോ ചിലർ പകർത്തി സോഷ്യൽമീഡിയയിൽ പ്രചരിപ്പിക്കുകയും ചെയ്തു.