മഹാരാഷ്ട്രയിലെ കാണ്ടിവ്ലിയില് മറാഠി നടി സഞ്ചരിച്ചിരുന്ന കാറിടിച്ച് തൊഴിലാളി മരിച്ചു...ഒരാള്ക്ക് പരുക്ക്
മഹാരാഷ്ട്രയിലെ കാണ്ടിവ്ലിയില് മറാഠി നടി സഞ്ചരിച്ചിരുന്ന കാറിടിച്ച് തൊഴിലാളി മരിച്ചു. ഒരാള്ക്ക് ഗുരുതരമായി പരുക്കേറ്റു. നടി ഊര്മിള കോത്താരെ സഞ്ചരിച്ചിരുന്ന കാറാണ് നിയന്ത്രണം നഷ്ടപ്പെട്ട് തൊഴിലാളികളെ ഇടിച്ചത്. ഇരുവരുടെയും ശരീരത്തിലൂടെ കാര് കയറിയിറങ്ങുകയായിരുന്നു. കാര് ഡ്രൈവര്ക്കും നടിക്കും പരുക്കേറ്റിട്ടുണ്ട്.
വെള്ളിയാഴ്ച രാത്രി ഷൂട്ടിങ് പൂര്ത്തിയാക്കി വീട്ടിലേക്ക് മടങ്ങുമ്പോള് നടി ഊര്മിള കോത്താരെ സഞ്ചരിച്ചിരുന്ന കാര് നിയന്ത്രണം നഷ്ടപ്പെട്ട് പോയിസര് മെട്രോ സ്റ്റേഷന് സമീപത്തായി ജോലി ചെയ്തിരുന്ന രണ്ടു തൊഴിലാളികളെ ഇടിക്കുകയായിരുന്നെന്ന് പൊലീസ് . ഒരാള് സംഭവസ്ഥലത്ത് തന്നെ മരിച്ചതായും മറ്റൊരാളെ ആശുപത്രിയില് പ്രവേശിപ്പിച്ചതായും പൊലീസ്
ഡ്രൈവര്ക്കും ഗുരുതരമായി പരുക്കേറ്റിട്ടുണ്ട്. ഊര്മിളയ്ക്ക് നിസാര പരുക്കേറ്റു. കൃത്യസമയത്ത് കാറിന്റെ എയര്ബാഗ് തുറന്നതിനാലാണ് ഊര്മിളയുടെ ജീവന് രക്ഷിക്കാന് കഴിഞ്ഞത്. അശ്രദ്ധയോടെ വാഹനമോടിക്കുക, മനഃപൂര്വമല്ലാത്ത നരഹത്യ തുടങ്ങിയ വകുപ്പുകള് പ്രകാരം ഡ്രൈവര്ക്കെതിരെ കേസെടുക്കുകയും ചെയ്തു.
https://www.facebook.com/Malayalivartha
