പരാതി നല്കാനെത്തിയ ഗര്ഭിണിയായ യുവതിയെ ബലാത്സംഗം ചെയ്ത പൊലീസുകാരന് അറസ്റ്റില്
പരാതി നല്കാനെത്തിയ ഗര്ഭിണിയായ യുവതിയെ ബലാത്സംഗം ചെയ്ത പൊലീസുകാരന് അറസ്റ്റില്. രാജസ്ഥാനിലെ ജയ്പൂരിലാണ് സംഭവം. അയല്ക്കാരുമായുള്ള തര്ക്ക പരിഹാരത്തിനായി പരാതി നല്കാനാണ് ഗര്ഭിണിയായ യുവതി പൊലീസ് സ്റ്റേഷനിലെത്തിയത്. യുവതിയുടെ വീട്ടുകാരുടെ പരാതിയിലാണ് പൊലീസുകാരന് അറസ്റ്റിലായത്. ദൌസയില് ദിവസ വേതനക്കാരിയായ യുവതിയേയാണ് പൊലീസ് ഉദ്യോഗസ്ഥന് ബലാത്സംഗം ചെയ്തത്.
കഴിഞ്ഞ ആഴ്ചയാണ് ഗര്ഭിണിയായ യുവതി അയല്ക്കാരുമായുള്ള തര്ക്കത്തിന് സഹായം തേടി ജയ്പൂരിലെ പൊലീസ് സ്റ്റേഷനിലെത്തിയത്. മാര്ച്ച് ഏഴിനായിരുന്നു യുവതി പരാതി നല്കിയത്. തൊട്ട് അടുത്ത ദിവസം നിലവില് അറസ്റ്റിലായ പൊലീസുകാരന് തെളിവെടുപ്പിനെന്ന പേരില് യുവതിയേയും പ്രായപൂര്ത്തിയാകാത്ത മകനേയും കൂട്ടിക്കൊണ്ട് പോയി.
ഇവരെ ഹോട്ടല് മുറിയില് എത്തിച്ച ശേഷം മകനെ അപായപ്പെടുത്തുമെന്ന് ഭീഷണിപ്പെടുത്തി ഉദ്യോഗസ്ഥന് ഗര്ഭിണിയായ യുവതിയെ ബലാത്സംഗം ചെയ്യുകയായിരുന്നു. ഭര്ത്താവിനെ കേസില് കുടുക്കുമെന്നും ഇയാള് യുവതിയെ ഭീഷണിപ്പെടുത്തി. അവശനിലയില് വീട്ടിലെത്തിയ യുവതി പീഡനവിവരം ഭര്ത്താവിനോട് പറയുകയായിരുന്നു. ഇതോടെ ഭര്ത്താവ് സാംഗനീര് എസിപിക്ക് പരാതി നല്കുകയായിരുന്നു. സംഭവത്തില് പൊലീസ് ഉദ്യോഗസ്ഥന് അറസ്റ്റിലായതായി എസിപി വിശദമാക്കി.
https://www.facebook.com/Malayalivartha
