രാഹുല് ഗാന്ധി ഇന്ന് കശ്മീരിലേക്ക്.... ജമ്മു കശ്മീരിലെ പഹല്ഗാമിലുണ്ടായ ഭീകരാക്രമണത്തില് പ്രതിഷേധിച്ച് കോണ്ഗ്രസ് ഇന്ന് രാജ്യവ്യാപകമായി മെഴുകുതിരി തെളിയിക്കും
പഹല്ഗാമിലുണ്ടായ ഭീകരാക്രമണത്തില് പ്രതിഷേധിച്ച് കോണ്ഗ്രസ് ഇന്ന് രാജ്യവ്യാപകമായി മെഴുകുതിരി തെളിയിക്കും. ഇന്ന് കോണ്ഗ്രസ് നടത്താന് നിശ്ചയിച്ചിരുന്ന ഭരണഘടന സംരക്ഷണ റാലി ഏപ്രില് 27ലേക്ക് മാറ്റി.
പ്രതിപക്ഷ നേതാവ് രാഹുല് ഗാന്ധി ഇന്ന് കശ്മീരിലേക്ക് പോകും. കശ്മീരിലെ അനന്ത്നാഗിലെത്തുന്ന രാഹുല് ഗാന്ധി ഭീകരാക്രമണത്തില് പരിക്കേറ്റവരെ സന്ദര്ശിക്കുകയും ചെയ്യും.
അതേസമയം, കേന്ദ്ര സര്ക്കാരിന്റെ ഭീകരവാദത്തിനെതിരായ നടപടികള്ക്ക് പൂര്ണ പിന്തുണ പ്രഖ്യാപിച്ച് ശ്രീനഗറില് ചേര്ന്ന സര്വകക്ഷി യോഗം സമാപിച്ചു. ഭീകരവാദത്തിനെതിരെ ഒറ്റക്കെട്ടായി പ്രവര്ത്തിക്കാനായി പ്രമേയം പാസാക്കി. പ്രത്യേക നിയമസഭാ സമ്മേളനം ചേരാനും സര്വകക്ഷി യോഗ തീരുമാനമായി . ഭീകരാക്രമണം തടയാന് ശ്രമിക്കുന്നതിനിടെ കൊല്ലപ്പെട്ട കശ്മീരി സെയ്ദ് ആദില് ഹുസൈന് ഷായ്ക്ക് സര്വകക്ഷി യോഗം ആദരം അര്പ്പിച്ചു.
സംസ്ഥാനത്തിന് പുറത്തുള്ള ജമ്മു കശ്മീര് സ്വദേശികളുടെ സുരക്ഷ ഉറപ്പാക്കാന് എല്ലാ സര്ക്കാരുകളും നടപടി എടുക്കണമെന്ന ആവശ്യം സര്വകക്ഷി യോഗത്തില് ഉയരുകയുണ്ടായി .
"
https://www.facebook.com/Malayalivartha
