അമ്മായിയമ്മ രാത്രിയില്‍ തങ്ങളുടെ കിടപ്പുമുറിയില്‍ പ്രവേശിക്കുന്ന സിസിടിവി ദൃശ്യങ്ങള്‍ പുറത്തുവിട്ട് മരുമകള്‍. കൊല്‍ക്കത്തയിലാണ് അസാധാരണമായ സംഭവം അരങ്ങേറിയത്. അതിവേഗം വൈറലായ വീഡിയോ കണ്ട കാഴ്ച്ക്കാര്‍ അമ്മായിയമ്മക്കെതിരെ കടുത്ത പ്രതിഷേധമാണ് അറിയിച്ചത്. ഒരു വ്യക്തിയുടെ സ്വകാര്യത ലംഘിക്കുന്ന പ്രവൃത്തിയാണ് ആ സ്ത്രീ ചെയ്തിരിക്കുന്നതെന്ന് സോഷ്യല്‍ മീഡിയ ചൂണ്ടികാണിച്ചു.

മുറിയില്‍ താനും ഭര്‍ത്താവും ഉറങ്ങുന്ന സമയത്ത് വിചിത്രമായ ചില ശബ്ദങ്ങള്‍ കേട്ടുവെന്ന് ആരോപിച്ചാണ് യുവതി വീഡിയോ പങ്കിട്ടത്. തുടക്കത്തില്‍ ഒരു പ്രേതമാണെന്ന് സംശയിച്ച യുവതി സിസിടിവി ക്യാമറ സ്ഥാപിച്ചതോടെയാണ് ആ ഞെട്ടിപ്പിക്കുന്ന കാഴ്ച്ച കാണാന്‍ ഇടയായത്.

അമ്മായിയമ്മ നിശബ്ദമായി കിടപ്പുമുറിയില്‍ പ്രവേശിച്ച് ദമ്പതിമാരുടെ അടുത്ത് നില്‍ക്കുന്നതാണ് ദൃശ്യങ്ങളില്‍ കാണുന്നത്.
സോഷ്യല്‍ മീഡിയ അമ്മായിയമ്മയുടെ പെരുമാറ്റത്തെ സ്വകാര്യതയിലേക്കുള്ള കടന്നുകയറ്റമായി അപലപിച്ചു. ഇതിന് തക്കതായ നിയമനടപടി അമ്മായിയമ്മയ്‌ക്കെതിരെ സ്വീകരിക്കണമെന്ന് വീഡിയോ കണ്ട പലരും കമന്റ് ചെയ്തു.