എട്ട് വര്‍ഷത്തിന് ശേഷം ഇന്ത്യയുടെ അഭിമാനമായ എയര്‍ഇന്ത്യ ലാഭത്തിലാകുന്നു. പ്രധാനമന്ത്രി നരേന്ദ്ര മോഡിയുടെ ശക്തമായ ഇടപെടലാണ് എയര്‍ ഇന്ത്യയെ ലാഭത്തിലാക്കിയത്. സര്‍ക്കാരിന്റെ ചെലവ് ചുരുക്കലും പരിഷ്‌കരണ നടപടികളുമെല്ലാം എയര്‍ഇന്ത്യയുടെ ഉര്‍ത്തെഴുന്നേല്‍പ്പിന് വേദിയൊരുക്കി.
ഈ സാമ്പത്തിക വര്‍ഷം എട്ട് കോടിയുടെ സാമ്പത്തിക ലാഭം ഉണ്ടാക്കുമെന്നാണ് കണക്ക് വ്യക്തമാക്കുന്നത്. എട്ട് വര്‍ഷത്തിനിടെ ആദ്യമായാണ് എയര്‍ഇന്ത്യ ലാഭക്കണക്ക് പറയുന്നത്. കഴിഞ്ഞ സാമ്പത്തിക വര്‍ഷം 2,636.18 കോടി രൂപയുടെ നഷ്ടമാണ് ഉണ്ടാക്കിയത്. അതിന് മുമ്പത്തെ വര്‍ഷം പ്രവര്‍ത്തന നഷ്ടം മൂവായിരം കോടിയോട് അടുത്തായിരുന്നു. പ്രധാനമന്ത്രി നരേന്ദ്ര മോഡിയുടേയും വ്യോമയാന മന്ത്രി അശോക് ഗണപതി രാജുവിന്റേയും ഇടപെടലാണ് ഇതിന് കാരണം. 2012 മുതല്‍ എയര്‍ഇന്ത്യയെ ലാഭത്തിലാക്കാന്‍ ചില ഇടപെടലുകള്‍ തുടങ്ങിയിരുന്നു. എന്നാല്‍ അതൊന്നും ഫലം കണ്ടിരുന്നില്ല. മോഡി സര്‍ക്കാര്‍ അധികാരത്തിലെത്തിയതോടെ ഇതിന് വേഗം വച്ചു. ഇതാണ് ഫലം കാണുന്നത്.
ആഭ്യന്തര വിദേശ സര്‍വ്വീസുകള്‍ നടത്തുന്നതിന് പൊതുമേഖലയില്‍ രണ്ട് വിമാന സര്‍വ്വീസുകള്‍ ഉണ്ടായിരുന്നു. എയര്‍ഇന്ത്യയും ഇന്ത്യന്‍ എയര്‍ലൈന്‍സും. ആധുനിക കാലത്തെ വെല്ലുവിളികള്‍ നേരിടുന്നതിനായി രണ്ട് കമ്പനികളും ഒരുമിപ്പിച്ചു. എന്നാല്‍ ഇത് എയര്‍ ഇന്ത്യയെ നഷ്ടത്തിലേക്ക് കൊണ്ടു പോയി
ഇന്ത്യയുടെ പൊതുമേഖലാ സര്‍വ്വീസ് നഷ്ടത്തിലേക്ക് കൂപ്പുകുത്തുമ്പോള്‍ ഇടപെടലിന് കേന്ദ്ര സര്‍ക്കാരെത്തി. ഈ സാമ്പത്തിക വര്‍ഷം എട്ട് കോടിയുടെ ലാഭമുണ്ടാക്കാനാകുമെന്ന് വ്യോമയാന സഭമന്ത്രി മഹേഷ് ശര്‍മ്മ രാജ്യസഭയിലാണ് വ്യക്തമാക്കിയത്.
ഡിസംബറില്‍ എയര്‍ ഇന്ത്യ 14.6 കോടി രൂപയുടെ ലാഭമുണ്ടാക്കിയിരുന്നു. 2070 കോടി രൂപയാണു വരുമാനം. ഏറെക്കാലമായി നഷ്ടം മാത്രമാണണ് എയര്‍ ഇന്ത്യ നേരിട്ടുകൊണ്ടിരുന്നത്. 2013 ഡിസംബറില്‍ 1944 കോടി രൂപ വരുമാനവും 169 കോടി രൂപ നഷ്ടവുമായിരുന്നു. ഈ സാമ്പത്തികവര്‍ഷം 16500 കോടി രൂപ യാത്രക്കാരില്‍ നിന്നു വരുമാനമുണ്ടാകുമെന്നാണു കണക്കുകൂട്ടല്‍. 21500 കോടി ആകെ വരുമാനം നേടാമെന്നും ഉപസ്ഥാപനങ്ങള്‍ കൂടി കണക്കിലെടുക്കുമ്പോള്‍ 25000 കോടി രൂപ വിറ്റുവരവുണ്ടാകുമെന്ന് പ്രതീക്ഷിക്കുന്നതായും എയര്‍ ഇന്ത്യ അറിയിച്ചു. ഡിസംബറിന് ശേഷം സ്ഥിരമായി തന്നെ ലാഭം നിലനിര്‍ത്തുന്നുണ്ട്. ഈ സാഹചര്യത്തിലാണ് എയര്‍ഇന്ത്യ ലാഭത്തിലേക്ക് പോകുന്നതായി കേന്ദ്ര സര്‍ക്കാര്‍ രാജ്യസഭയെ അറിയിച്ചത്. പ്രതീക്ഷിക്കുന്ന ലാഭമാണ് എട്ട് കോടി. എന്നാല്‍ ഡിസംബറിലെ നേട്ടം മാര്‍ച്ച് മാസം വരെ നിലനിര്‍ത്തുമെന്നാണ് എയര്‍ഇന്ത്യ നല്‍കുന്ന സൂചന.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha