ഇന്ത്യാ പാകിസ്താന് വിദേശകാര്യ മന്ത്രിമാര് നാളെ നേപ്പാളില് കൂടിക്കാഴ്ച നടത്തും
ഇന്ത്യാ പാകിസ്താന് വിദേശകാര്യ മന്ത്രിമാര് നാളെ നേപ്പാളില് കൂടിക്കാഴ്ച നടത്തുമെന്ന് റിപ്പോര്ട്ട്. സാര്ക് ഉച്ചകോടിയ്ക്കിടെയാണ് സുഷമ സ്വരാജും പാക് മന്ത്രി സര്താജ് അസീസും കൂടിക്കാഴ്ച നടത്തുക. ഞായറാഴ്ച ആരംഭിച്ച സാര്ക്ക് ഉച്ചകോടി നാളെ സമാപിക്കുകയാണ്.
ഇന്നു നടക്കുന്ന സാര്ക് സ്റ്റാന്ഡിംഗ് കമ്മിറ്റിയില് ഇന്ത്യ പാക് വിദേശകാര്യ സെക്രട്ടറിമാര് പങ്കെടുക്കുന്നുണ്ട്. എന്നാല് ഇതിനിടെയില് ഇവര് തമ്മില് ഉഭയകക്ഷി ചര്ച്ചയ്ക്ക് സാധ്യതയില്ലെന്നും റിപ്പോര്ട്ടില് പറയുന്നു.
ഈ വര്ഷം അവസാനം ഇസ്ലാമാബാദില് നടക്കുന്ന 19ാമത് സാര്ക് ഉച്ചകോടിയിലേക്ക് പ്രധാനമന്ത്രി നരേന്ദ്ര മോഡിയെ ക്ഷണിച്ചുകൊണ്ടുള്ള നവാസ് ഷെരീഫിന്റെ ഔദ്യോഗിക അറിയിപ്പ് അസീസ് സുഷമയ്ക്ക് കൈമാറും. ഈ മാസം അവസാനം വാഷിംഗ്ടണില് നടക്കുന്ന ആണവ സുരക്ഷ ഉച്ചകോടിയില് ഇരുവരും കൂടിക്കാഴ്ച നടത്താനുള്ള സാധ്യതയും ചര്ച്ച ചെയ്യും. പത്താന്കോട്ട് ആക്രമണത്തെ തുടര്ന്ന് നിര്ത്തിവച്ച വിദേശകാര്യ സെക്രട്ടറിതല ചര്ച്ചകള് പുനരാരംഭിക്കുന്നതിനുള്ള നീക്കങ്ങളും ഉണ്ടാകും. പത്താന്കോട്ട് ആക്രമണത്തിലെ അന്വേഷണ പുരോഗതിയും ഇരുവരും വിലയിരുത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
