വിവാദങ്ങള്ക്ക് ചെവി കൊടുക്കരുത്, വിമര്ശനങ്ങളെ നേരിടണം, രാഷ്ട്രവിരോധം വച്ചുപൊറുപ്പിക്കില്ല: മോഡി
എതിരാളികള് ഉയര്ത്തുന്ന വിവാദങ്ങള്ക്ക് ചെവി കൊടുക്കരുതെന്ന് ബിജെപി പ്രവര്ത്തകരോട് പ്രധാനമന്ത്രി നരേന്ദ്ര മോഡി. സര്ക്കാരിന്റെ നേട്ടങ്ങള് ജനങ്ങളിലെത്താതിരിക്കാനാണ് പ്രതിപക്ഷം തുടര്ച്ചയായി വിവാദങ്ങളുണ്ടാക്കുന്നത്. ഭരണനേട്ടങ്ങള് ജനങ്ങളിലെത്തിക്കാന് പ്രവര്ത്തകര് ആത്മാര്ഥമായി ശ്രമിക്കണം. വിമര്ശനങ്ങളെ നേരിടുമെന്നും എന്നാല് രാഷ്ട്രവിരോധം വച്ചുപൊറുപ്പിക്കില്ലെന്നും പ്രധാനമന്ത്രി വ്യക്തമാക്കി. ഡല്ഹിയില് നടന്ന ബിജെപി ദേശീയ നിര്വാഹകസമിതി യോഗത്തില് സംസാരിക്കുകയായിരുന്നു അദ്ദേഹം.
ആവിഷ്കാര സ്വതന്ത്ര്യമെന്നത് രാജ്യത്തിന്റെ നാശത്തിനായി ശ്രമിക്കാനുള്ള അനുമതിയോ അവകാശമോ അല്ലെന്ന് കേന്ദ്ര ധനകാര്യമന്ത്രി അരുണ് ജയ്റ്റ്ലി ഇന്ന് പ്രസ്താവിച്ചിരുന്നു. ഡല്ഹിയില് നടന്ന പാര്ട്ടി ദേശീയ ദേശീയ നിര്വാഹകസമിതി യോഗത്തിലെ തീരുമാനങ്ങള് മാധ്യമ പ്രവര്ത്തകരെ അറിയിക്കവെയാണ് ജയ്റ്റ്ലി ഇക്കാര്യം വ്യക്തമാക്കിയത്.
ആവിഷ്കാര സ്വാതന്ത്ര്യവും ദേശീയതയും നിര്ബന്ധമായും ഒന്നിച്ചു പോകേണ്ടതാണ്. വിയോജിക്കാനും എതിരഭിപ്രായങ്ങള് പ്രകടിപ്പിക്കാനും ആവിഷ്കാര സ്വാതന്ത്ര്യത്തിനുമുള്ള അവകാശം ഭരണഘടന അനുവദിച്ചു തരുന്നുണ്ട്. അതുപക്ഷേ രാജ്യത്തിന്റെ നാശത്തിനുള്ളതല്ല അരുണ് ജയ്റ്റ്ലി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
