സംവരണ വിഷയത്തില്‍ ബിജെപിയെ പ്രതിക്കൂട്ടിലാക്കി അസത്യങ്ങള്‍ പ്രചരിപ്പിക്കുകയാണെന്ന് പ്രധാനമന്ത്രി നരേന്ദ്ര മോഡി. കഴിഞ്ഞ 60 വര്‍ഷം ഭരിച്ചിട്ടും ഒന്നും ചെയ്യാതിരുന്നവരാണ് ഇപ്പോള്‍ ഓടിനടന്ന് കള്ളങ്ങള്‍ പ്രചരിപ്പിക്കുന്നതെന്നും മോഡി ആരോപിച്ചു.

ബി.ആര്‍.അംബേദ്കറിനായി ഡല്‍ഹിയില്‍ നിര്‍മിക്കുന്ന ദേശീയ സ്മാരകത്തിന്റെ തറക്കല്ലിടല്‍ കര്‍മം നിര്‍വഹിച്ച് സംസാരിക്കുകയായിരുന്നു അദ്ദേഹം. വാജ്‌പേയി പ്രധാനമന്തിയായിരുന്ന കാലത്തെ ഒരു സംഭവം ഞാന്‍ ഓര്‍ക്കുന്നു. സംവരണം എടുത്തുകളയുമെന്ന് അന്ന് അവര്‍ പ്രചരിപ്പിച്ചു. രണ്ട് തവണ അദ്ദേഹം പ്രധാനമന്ത്രിയായി. അത്തരത്തിലൊന്നും സംഭവിച്ചില്ല. ഇപ്പോഴും കള്ളങ്ങള്‍ പ്രചരിച്ചുകൊണ്ടേയിരിക്കുന്നു മോഡി പറഞ്ഞു.

വര്‍ഷങ്ങളായി ബിജെപി ഭരണ കൈയ്യാളുന്ന മധ്യപ്രദേശിലും ഗുജറാത്തിലും ദലിതര്‍ക്കും മറ്റുമുള്ള സംവരണം ഇപ്പോഴും നിലനില്‍ക്കുന്നു. അവിടെ അതിനെതിരായി ഒന്നും സംഭവിച്ചില്ല. ഇതാണ് വസ്തുതയെന്നിരിക്കെ കള്ളങ്ങള്‍ പറഞ്ഞുപരത്തുകയാണ്. സംവരണ വിഷയത്തില്‍ രാഷ്ട്രീയം കളിക്കാന്‍ താല്‍പര്യപ്പെടുന്നവരാണ് ഇതിന് പിന്നിലെന്നും മോഡി ആരോപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha