തമിഴ്‌നാട്ടില്‍ അപൂര്‍വയിനത്തില്‍പ്പെട്ട പറക്കുംപാമ്പിനെ കണെ്്ടത്തി. കോയമ്പത്തൂര്‍ കലംപാളയത്ത് വെങ്കിടേശന്‍ എന്നയാളുടെ കൃഷിയിടത്തിലാണ് പറക്കുംപാമ്പിനെ കണെ്്ടത്തിയത്. മരത്തില്‍നിന്നു മരത്തിലേക്കു പറന്നുപോകുന്ന പാമ്പിനെ കണെ്്ടത്തിയതിനെ തുടര്‍ന്ന് വെങ്കിടേശന്‍ പാമ്പുപിടിത്തക്കാരന്റെ സഹായം തേടുകയായിരുന്നു. മൂന്നു മണിക്കൂര്‍ നേരത്തെ പരിശ്രമത്തിനുശേഷമാണ് പാമ്പിനെ പിടികൂടാന്‍ കഴിഞ്ഞത്. തുടര്‍ന്ന് പാമ്പിനെ വനംവകുപ്പിനു കൈമാറി. കമ്പോഡിയ, വിയറ്റ്‌നാം തുടങ്ങിയ വരണ്ട മേഖലകളില്‍ കണ്ടുവരുന്നയിനം പാമ്പാണ് ഇതെന്ന് വനംവകുപ്പ് അറിയിച്ചു. ഇന്ത്യയില്‍ അപൂര്‍വമായിമാത്രമേ ഇത്തരം പാമ്പുകളെ കണ്ടെത്താറുള്ളു. 20 അടി ഉയരത്തില്‍ പറക്കാന്‍ കഴിയുന്ന ഇത്തരം പാമ്പുകള്‍ ക്രിസോപിലിയ എന്നാണ് അറിയപ്പെടുന്നത്. വനംവകുപ്പിനു കൈമാറിയ പറക്കുംപാമ്പിനെ പിന്നീട് വടക്കന്‍ മലനിരകളിലെ പുതുപ്പാത്തി വനത്തില്‍ എത്തിച്ചു തുറന്നുവിട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha