അതിര്ത്തിയില് വീണ്ടും പാകിസ്ഥാന്റെ പ്രകോപനം
അന്താരാഷ്ട്ര അതിര്ത്തിക്ക് സമീപം സാംബയിലാണ് പാക് ഡ്രോണ് എത്തി. ഇന്ത്യന് ഭാഗത്തുനിന്ന് തിരിച്ചടിച്ചതോടെ ഡ്രോണ് തിരികെ പോയി. 5 മിനിറ്റോളം അതിര്ത്തി പ്രദേശത്ത് ഡ്രോണ് നിന്നതായി സുരക്ഷാസേ സേനാ വൃത്തങ്ങള് വ്യക്തമാക്കി.
തുടര്ന്ന് സുരക്ഷാസേന നിരീക്ഷണം ശക്തമാക്കിയിരിക്കുകയാണ്. രണ്ടാഴ്ചയ്ക്കിടെ ഇത് അഞ്ചാം തവണയാണ് പാക് ഡ്രോണുകള് ഇന്ത്യന് അതിര്ത്തി പ്രദേശത്തേക്ക് എത്തുന്നത്. പാകിസ്ഥാന്റെ ഭാഗത്തുനിന്നുള്ള ഇത്തരം നീക്കങ്ങള്ക്കെതിരെ ഇന്ത്യ കൃത്യമായ മുന്നറിയിപ്പ് നല്കിയിട്ടുണ്ട്.
വാര്ഷിക കരസേനാ ദിനത്തിന് മുന്നോടിയായി നടത്തിയ വാര്ത്താസമ്മേളനത്തില്, പാകിസ്ഥാന്റെ ഭാഗത്തുനിന്നുള്ള ഏത് നീക്കത്തെയും ശക്തമായി നേരിടുമെന്ന് ജനറല് ഉപേന്ദ്ര ദ്വിവേദി വ്യക്തമാക്കിയിരുന്നു.
2025ല് നടത്തിയ 'ഓപ്പറേഷന് സിന്ദൂര്' പോലുള്ള സൈനിക നടപടികള് ഇനിയും തുടരുമെന്നും അതിര്ത്തി കടന്നുള്ള ഭീകരവാദത്തിന് കനത്ത വില നല്കേണ്ടി വരുമെന്നും അദ്ദേഹം മുന്നറിയിപ്പ് നല്കി. നിലവില് കശ്മീരിലെ അതിര്ത്തി ഗ്രാമങ്ങളില് സുരക്ഷാ പരിശോധനകള് കര്ശനമാക്കിയിരിക്കുകയാണ്.
https://www.facebook.com/Malayalivartha
