ഗര്ഭിണിയായ യുവതിയെ ഭര്തൃവീട്ടുകാര് തീകൊളുത്തി കൊന്നു
സ്ത്രീധനമായി പറഞ്ഞ സ്വര്ണമാല നല്കാത്തതിന് ഗര്ഭിണിയായ യുവതിയെ ഭര്തൃവീട്ടുകാര് തീകൊളുത്തി കൊലപ്പെടുത്തി. ബിഹാറിലെ നളന്ദ ജില്ലയിലെ മെഹ്തെര്മ ഗ്രാമത്തിലാണ് സംഭവം. സ്തുതി കുമാരി എന്ന രണ്ടുമാസം ഗര്ഭിണിയായ യുവതിയെ ആണ് കൊലപ്പെടുത്തിയത്.
ഒന്പതുമാസം മുന്പായിരുന്നു സ്തുതി കുമാരിയും ചിന്തു കുമാറും വിവാഹിതരായത്. സ്ത്രീധനമായി സ്വര്ണമാല നല്കാമെന്ന് വിവാഹവേളയില് സ്തുതിയുടെ കുടുംബം വാഗ്ദാനം നല്കിയിരുന്നു. എന്നാല്, ഇത് കൊടുക്കാന് സ്തുതിയുടെ വീട്ടുകാര്ക്ക് സാധിച്ചില്ല.
അതോടെ തുടര്ച്ചയായ പീഡനങ്ങളാണ് സ്തുതിക്ക് ഭര്തൃവീട്ടില് നേരിടേണ്ടി വന്നത്. കൊലപാതകം നടന്നതിന്റെ രണ്ടു ദിവസം മുമ്പും സ്തുതി ക്രൂര പീഡനത്തിന് ഇരയായിരുന്നു. കൊലപാതകം നടന്ന ദിവസം സ്തുതിയെ മര്ദിക്കുകയും ദേഹത്ത് എണ്ണയൊഴിച്ച് തീകൊളുത്തുകയുമായിരുന്നെന്നാണ് സ്തുതിയുടെ കുടുംബം ആരോപിക്കുന്നത്.
സംഭവത്തില് ഭര്ത്താവ് ചിന്തികുമാറിന്റെ മാതാപിതാക്കള് ഒളിവിലാണ്. വിവരം അറിഞ്ഞ് പോലീസ് സ്ഥലത്തെത്തിയപ്പോഴേക്കും പ്രതികള് സ്ഥലത്തുനിന്ന് കടന്നുകളഞ്ഞിരുന്നു. സംഭവത്തില് അന്വേഷണം ആരംഭിച്ചിരിക്കുകയാണ്.
https://www.facebook.com/Malayalivartha
