ബംഗാള് തിരഞ്ഞെടുപ്പില് ഒറ്റയ്ക്ക് മത്സരിക്കുമെന്ന് കോണ്ഗ്രസ്
ബംഗാള് നിയമസഭാ തിരഞ്ഞെടുപ്പില് സഖ്യത്തിന് കൈ കൊടുക്കാതെ കോണ്ഗ്രസ്. ഡല്ഹിയില് ചേര്ന്ന യോഗത്തിലാണ് തീരുമാനം. പശ്ചിമ ബംഗാള് കോണ്ഗ്രസ് നേതൃത്വം ഡല്ഹിയിലെത്തി ഹൈക്കമാന്റുമായി നടത്തിയ യോഗത്തിന് പിന്നാലെയാണ് തീരുമാനം. മല്ലികാര്ജുന് ഖര്ഗെയുടെ വസതിയില് ചേര്ന്ന യോഗത്തില് ലോക്സഭ പ്രതിപക്ഷ നേതാവ് രാഹുല് ഗാന്ധിയും പങ്കെടുത്തു. ഒരു മണിക്കൂര് നീണ്ട യോഗത്തിനൊടുവില് തിരഞ്ഞെടുപ്പില് മുഴുവന് സീറ്റുകളിലും ഒറ്റയ്ക്ക് മത്സരിക്കാനാണ് തീരുമാനമെന്ന് പശ്ചിമബംഗാളിന്റെ ചുമതലയുള്ള കോണ്ഗ്രസ് ജനറല് സെക്രട്ടറി ഗുലാം അഹമ്മദ് മിര് പറഞ്ഞു.
എസ്ഐ ആറില് പശ്ചിമബംഗാള് മുഖ്യമന്ത്രി മമതാ ബാനര്ജി സുപ്രീംകോടതിയില് നേരിട്ട് ഹാജരായതിനെയും കോണ്ഗ്രസ് വിമര്ശിച്ചു. നടന്നത് മമതയുടെ പ്രഹസനം എന്ന് അധിര് രഞ്ജന് ചൗധരി കുറ്റപ്പെടുത്തി.അതേസമയം, കേരളമടക്കമുള്ള സംസ്ഥാനങ്ങളില് നിയമസഭാ തിരഞ്ഞെടുപ്പ് സാഹചര്യത്തില് കേന്ദ്ര തിരഞ്ഞെടുപ്പ് കമ്മീഷന് നിരീക്ഷകരുടെ യോഗം ചേര്ന്നു. തിരഞ്ഞെടുപ്പ് നിയമങ്ങള് പാലിക്കണമെന്നും വോട്ടര്മാരുടെ പരാതികള് പരിഹരിക്കണമെന്നും നിര്ദ്ദേശം നല്കി.
https://www.facebook.com/Malayalivartha
