ഭിന്നശേഷിക്കാരിയായ മകളെ പീഡിപ്പിച്ച് ഗര്ഭിണിയാക്കിയത് പിതാവെന്ന് ഡിഎന്എ റിപ്പോര്ട്ട്
മുംബൈയില് കേള്വി ശക്തിയും സംസാര ശേഷിയുമില്ലാത്ത 20 വയസുകാരിയെ പീഡിപ്പിച്ച് ഗര്ഭിണിയാക്കിയ സംഭവത്തില് പെണ്കുട്ടിയുടെ പിതാവ് പിടിയില്. ഗര്ഭസ്ഥ ശിശുവിന്റെ ഡിഎന്എ പരിശോധനാ ഫലം പൊസിറ്റീവായതോടെയാണ് പിതാവ് അറസ്റ്റിലായത്. കേസില് 17 വയസ്സുള്ള ആണ്കുട്ടിയെയും മറ്റൊരു പുരുഷനെയും കസ്റ്റഡിയിലെടുക്കുകയും ചോദ്യം ചെയ്യുകയും ചെയ്തിരുന്നു. എന്നാല് ഡിഎന്എ പരിശോധനയില് ഇരുവരുമല്ല കുട്ടിയുടെ പിതാവെന്ന് കണ്ടെത്തുകയായിരുന്നു.
തുടര്ന്ന് സംശയത്തിന്റെ പേരില് യുവതിയുടെ പിതാവടക്കം 17 പേരുടെ സാംപിളുകള് ഡിഎന്എ പരിശോധനക്കായി അയച്ചു. ഇതോടെയാണ് ഡിഎന്എ ഫലം പൊസിറ്റീവായതും യുവതിയുടെ പിതാവിനെ അറസ്റ്റ് ചെയ്തതും. 2025 സെപ്റ്റംബറിലാണ് യുവതിക്ക് ആരോഗ്യ പ്രശ്നങ്ങള് ആരംഭിച്ചത്. ഇതോടെ മുത്തശ്ശിയോട് വിവരം ധരിപ്പിച്ചു. വൈദ്യപരിശോധനയില് യുവതി അഞ്ച് മാസം ഗര്ഭിണിയാണെന്ന് കണ്ടെത്തി. പീഡന വിവരം യുവതി അറിയിച്ചതോടെ ആശുപത്രി അധികൃതര് ഉടന് തന്നെ സംഭവം പൊലീസില് അറിയിക്കുകയായിരുന്നു.
സ്ത്രീക്ക് മൊഴി നല്കാന് കഴിയാത്തതു കാരണം പ്രതികളെ കുറിച്ചുള്ള വിവരം പങ്കുവയ്ക്കാന് ആദ്യം സാധിച്ചിരുന്നില്ല. തുടര്ന്ന് പൊലീസുകാര് യുവതിയുടെ പിതാവിനോട് സംസാരിച്ചുവെങ്കിലും ലൈംഗിക പീഡനത്തെക്കുറിച്ചുള്ള ചോദ്യങ്ങള് നിഷേധിക്കുകയായിരുന്നു. പരാതി നല്കാനും പിതാവ് വിസമ്മതിച്ചു. എന്നാല്, കൗണ്സിലിങിന് ശേഷം യുവതി പരാതി നല്കാന് തയാറായി. പരാതിയില് നല്കിയ വിവരങ്ങളുടെ അടിസ്ഥാനത്തില്, പൊലീസ് രണ്ടുപേരെ ആദ്യം അറസ്റ്റ് ചെയ്തു. ഇവരുടെ ഡിഎന്എ ഫലം തെറ്റായതോടെ പിതാവ് ഉള്പ്പെടെ സംശയമുള്ള 17 പേരുടെ രക്ത സാമ്പിളുകള് എടുക്കുകയും പരിശോധനയ്ക്ക് അയക്കുകയുമായിരുന്നു.
https://www.facebook.com/Malayalivartha
