ബിജെപി മാത്രമുള്ള ഒരു കാലം കേരളത്തില് വരുമെന്ന് നിതിന് നിബിന്
കേരളത്തിന്റെ വികസനം ഇടത് വലത് മുന്നണികള് തടസപ്പെടുത്തുന്നുവെന്ന് ബിജെപി ദേശീയ അധ്യക്ഷന് നിതിന് നബിന്. അഴിമതിയും പ്രീണനവുമാണ് 2 മുന്നണികളുടെയും രാഷ്ട്രീയം. സനാതന ധര്മ്മത്തിനെതിരാണ് 2 മുന്നണികളും പ്രവര്ത്തിക്കുന്നത്. കേരളത്തില് ബിജെപിയുടെ വളര്ച്ച കാണാന് ഉണ്ട്. 2 എംപി മാരില് നിന്ന് തുടങ്ങിയവരാണ് ബിജെപി. കേരളത്തിലും ആ മാറ്റം ഉണ്ടാകും. ബിജെപി മാത്രമുള്ള ഒരു കാലം കേരളത്തിലും വരും. കേരളത്തിലും ബിജെപി സര്ക്കാര് അധികാരത്തില് വരുമെന്നും നിതിന് നബിന് കൂട്ടിച്ചേര്ത്തു.
ഇടത് മുന്നണി അയ്യപ്പനെപോലും വെറുതെ വിടാന് തയ്യാറായില്ല. ശബരിമലയെ തകര്ത്ത് അധികാരത്തില് എത്താന് കഴിയുമോ എന്നാണ് ഇരു മുന്നണികളും നോക്കുന്നത്. ഇടത് വലത് ഐക്യം ആണ് ശബരിമലയിലെ ഐക്യം തകര്ക്കുന്നത്. ഇതിനെതിരെ ബിജെപി പ്രത്യക്ഷസമരം നടത്തും. സനാതന ധര്മം സംരക്ഷിക്കാന് ജീവന് നല്കാന് പോലും തയ്യാറായി ഒരു ജനത ഇവിടെ ഉണ്ടെന്നും നിതിന് നബിന് വ്യക്തമാക്കി.
കേരളം ജഎക പോലുള്ള സംഘടനകളുടെ കേന്ദ്രമാണ്. ഇവരുടെ ദേശാവിരുദ്ധ പ്രവര്ത്തന്നതിനു തടയിട്ടത് മോദി സര്ക്കാര് ആണ്. യൂറോപ്യന് യൂണിയനുമായി ഉണ്ടായ കരാര് സാധാരണക്കാര്ക്ക് ഗുണം ചെയ്യുന്ന ഒന്നാണ്. കേരളത്തിന്റെ വികസനത്തിന് നിരവധി പദ്ധതികളാണ് കേന്ദ്രം അനുവദിക്കുന്നത്.
സദാനന്ദന് മാസ്റ്ററുടെ പ്രസംഗം ലോകം കണ്ടതാണ്. എത്ര ദുഷ്കരമായ സാഹചര്യത്തില് ആണ് കേരളത്തില് നമ്മള് പ്രവര്ത്തിക്കുന്നത് എന്ന് മനസിലായി കാണും. ഭരണഘടന ഉയര്ത്തി നില്ക്കുന്ന രാഹുല് ഗാന്ധി മറുപടി പറയണം. എവിടെയാണ് സാധാരണ പ്രവര്ത്തകരുടെ കാലുകള് അറുത്തുമാറ്റാനും, കൊലപാതകം നടത്താനും കഴിയുന്നത് എന്ന്. കേരളത്തിലെ ജനങ്ങള് ആ മറുപടി കേള്ക്കാന് ആഗ്രഹിക്കുന്നുവെന്നും നിതിന് നബിന് വിമര്ശിച്ചു.
https://www.facebook.com/Malayalivartha
