കരൂര്‍ ദുരന്തത്തിന് ശേഷം തമിഴ്‌നാട് വെട്രി കഴകം (ടി വി കെ) അധ്യക്ഷന്‍ വിജയ് പങ്കെടുക്കുന്ന സേലത്തെ പൊതുയോഗത്തിന് ഉപാധികളോടെ പൊലീസ് അനുമതി നല്‍കി. വെള്ളിയാഴ്ച ഉച്ചയ്ക്ക് 12 മണിക്കും 3 മണിക്കും ഇടയില്‍ യോഗം നടത്താനാണ് അനുമതി നല്‍കിയത്. വിജയ് എത്തുന്ന പാതയില്‍ ഗതാഗതക്കുരുക്ക് ഉണ്ടാക്കാന്‍ പാടില്ലെന്നും ക്രമസമാധാനം ഉറപ്പാക്കണമെന്നും കര്‍ശന നിര്‍ദ്ദേശമുണ്ട്. ഏകദേശം 5000 പേര്‍ പങ്കെടുക്കുന്ന യോഗത്തിനാണ് നിലവില്‍ അനുമതി ലഭിച്ചിരിക്കുന്നത്.

കരൂര്‍ ദുരന്തത്തിന്റെ പശ്ചാത്തലത്തിലാണ് ടി വി കെയുടെ റാലിക്ക് കടുത്ത ഉപാധികള്‍ മുന്നോട്ടുവച്ചിരിക്കുന്നത്. കരൂര്‍ ദുരന്തത്തിന് ശേഷം ഇന്‍ഡോര്‍ പരിപാടികളുമായി മുന്നോട്ട് പോയിരുന്ന വിജയ്, ടി വി കെയുടെ ശക്തി പ്രകടിപ്പിക്കാനുള്ള നീക്കമായാണ് വീണ്ടും പൊതുയോഗത്തിനിറങ്ങുന്നത്. രാഷ്ട്രീയ പാര്‍ട്ടി രൂപീകരണത്തിന് ശേഷമുള്ള വിജയ്‌യുടെ നീക്കങ്ങള്‍ വലിയ ആവേശത്തോടെയാണ് ആരാധകരും അണികളും ഉറ്റുനോക്കുന്നത്.