രാജ്യതലസ്ഥാനത്ത് വായുവിന്റെ ഗുണനിലവാരം 'മോശം' വിഭാഗത്തിലെത്തി. ആകെ വായു ഗുണനിലവാര സൂചിക (AQI) 203 ആയി രേഖപ്പെടുത്തി. കേന്ദ്ര മലിനീകരണ നിയന്ത്രണ ബോർഡിന്റെ (സിപിസിബി) സമീർ ആപ്പ് പ്രകാരം 19 സ്റ്റേഷനുകളിൽ വായുനിലവാരം 'മോശം' വിഭാഗത്തിലാണ് രേഖപ്പെടുത്തിയത്.

സിപിസിബി വർഗ്ഗീകരണം അനുസരിച്ച്, 0 നും 50 നും ഇടയിലുള്ള ഒരു AQI 'നല്ലത്' എന്നും, 51 മുതൽ 100 ​​വരെ 'തൃപ്തികരം' എന്നും, 101 മുതൽ 200 വരെ 'മിതമായത്' എന്നും, 201 മുതൽ 300 വരെ 'മോശം' എന്നും, 301 മുതൽ 400 വരെ 'വളരെ മോശം' എന്നും, 401 മുതൽ 500 വരെ 'ഗുരുതരം'എന്നുമാണ് കണക്കാക്കപ്പെടുന്നത്.

സ്റ്റേഷൻ തിരിച്ചുള്ള ഡാറ്റ പ്രകാരം പാലമിൽ ഏറ്റവും കുറഞ്ഞ താപനില 13.4 ഡിഗ്രി സെൽഷ്യസായി രേഖപ്പെടുത്തി. സാധാരണയേക്കാൾ 2.1 ഡിഗ്രി കുറവാണ്.

ലോധി റോഡിൽ, കുറഞ്ഞ താപനില 13.2 ഡിഗ്രി സെൽഷ്യസായിരുന്നു, സാധാരണയേക്കാൾ 2.2 ഡിഗ്രി കുറവ്. റിഡ്ജ് സ്റ്റേഷനിൽ കുറഞ്ഞത് 13.3 ഡിഗ്രി സെൽഷ്യസും അയനഗറിൽ കുറഞ്ഞത് 13.6 ഡിഗ്രി സെൽഷ്യസും രേഖപ്പെടുത്തി. പരമാവധി താപനില 28 ഡിഗ്രി സെൽഷ്യസിലേക്ക് താഴുമെന്ന് പ്രതീക്ഷിക്കുന്നതായാണ് റിപ്പോർട്ടുകളുള്ളത്.