തമിഴകത്ത് അടുത്ത മുഖ്യമന്ത്രി ആരാകുമെന്നതില് അനിശ്ചിതത്വം തുടരുന്നു
കഴിഞ്ഞ 16 മണിക്കൂറിനിടെ രണ്ടാം വട്ടവും ലോക്ഭവനിലെത്തിയ വിജയ്, സര്ക്കാര് രൂപീകരണത്തിനുള്ള ക്ഷണം കിട്ടാതെ നിരാശനായാണ് ഇന്ന് മടങ്ങിയത്. ടി വി കെയ്ക്ക് കേവല ഭൂരിപക്ഷമില്ലെന്നും 118 എം എല്എമാരുടെ പിന്തുണയില്ലാതെ സ്ഥിരതയുള്ള സര്ക്കാര് എങ്ങനെ സാധ്യമാകുമെന്നുമാണ് രാജേന്ദ്ര അര്ലേക്കര് ചോദിക്കുന്നത്. പിന്നാലെ സി പി എം, സി പി ഐ, മുസ്ലീം ലീഗ്, വി സി കെ പാര്ട്ടികളുടെ ഓഫീസുകളിലേക്ക് പാഞ്ഞെത്തി ടി വി കെ സംഘം. 2 എം എല് എമാരുള്ള 4 പാര്ട്ടികള്ക്കും മന്ത്രിസഥാനവും എന് ഡി എ കക്ഷികളുമായി ബന്ധപ്പെടില്ലെന്ന ഉറപ്പും നേതാക്കള് മുന്നോട്ട് വച്ചു. നാളത്തെ നേതൃയോഗത്തില് തീരുമാനം പറയാമെന്ന മറുപടിയില് പ്രതീക്ഷ വച്ച് ടി വി കെ സംഘം മടങ്ങി.
സര്ക്കാര് രൂപീകരിക്കുന്നതില് നിന്ന് വിജയ് യെ തടഞ്ഞ് വോട്ടര്മാരുടെ രോഷത്തിന് ഇരയാകാന് ഡി എം കെ ഇല്ല. എന്നാല് ഭൂരിപക്ഷം തെളിയിക്കാന് വിജയ്ക്ക് കഴിഞ്ഞാല് എന്ത് ചെയ്യണമെന്നതിലാണ് ഡി എം കെയില് തര്ക്കം. എ ഐ എ ഡി എം കെ ഡി എം കെ സഖ്യം വേണമെന്ന ആവശ്യവുമായി ഡി എം കെയിലെ മുതിര്ന്ന നേതാക്കളും കരുണാനിധി കുടുംബത്തിലെ ചില അധികാര കേന്ദ്രങ്ങളും സ്റ്റാലിന് മേല് സമ്മര്ദ്ദം ചെലുത്തുന്നതായാണ് സൂചന.
വിജയ്ക്ക് അധികാരം ലഭിച്ചാല് തുടര്ഭരണത്തിന് സാധ്യതയുണ്ടെന്നും, ഭൂരിപക്ഷം തെളിയിക്കാനാകാതെ തെരഞ്ഞെടുപ്പിലേക്ക് പോയാല് ടി വി കെ തരംഗം ഉണ്ടാകുമെന്നും ആണ് മുന്നറിയിപ്പ്. സഖ്യകക്ഷി നേതാക്കളെ വീട്ടിലേക്ക് വിളിച്ച് വരുത്തിയ സ്റ്റാലിന്, ജനവിധി വിജയ്ക്ക് അനുകൂലമെന്നും എതിര്ക്കുന്നത് ധാര്മ്മികതയല്ലെന്നും വിശദീകരിച്ചു. എന്നാല് ബി ജെ പിയെ അകറ്റി നിര്ത്താനായി ഡി എം കെ സഖ്യകക്ഷികള് ടി വി കെയെ പിന്തുണയ്ക്കുന്നതിനോട് വിരോധമില്ലെന്നും സ്റ്റാലിന് വ്യക്തമാക്കി. പുതുച്ചേരിയിലെ റിസോര്ട്ടില് തങ്ങുന്ന എ ഐ എ ഡി എം കെ എം എല് എമാരെ സന്ദര്ശിച്ച എടപ്പാടി പളനിസാമി രാഷ്ച്രീയ സാഹചര്യങ്ങള് വിശദീകരിച്ചെന്നാണ് റിപ്പോര്ട്ട്. എന്തായാലും നാളെ തമിഴ്നാടിനെ സംബന്ധിച്ചടുത്തോളം അതി നിര്ണായക ദിനമാകും.
https://www.facebook.com/Malayalivartha
