ഛത്തിസ്ഗഡില് മാവോയിസ്റ്റ് ആക്രമണത്തിനിടയില് ആദ്യഘട്ട വോട്ടിംഗ് ആരംഭിച്ചു
ഛത്തിസ്ഗഡില് നിയമസഭാ തെരെഞ്ഞെടുപ്പിന്റെ ആദ്യഘട്ട വോട്ടെടുപ്പ് ആരംഭിച്ചു. അതേസമയം മാവോയിസ്റ്റുകള് ആക്രമണം ആരംഭിക്കുകയും ചെയ്തു. സ്ഥലത്ത് ബി.എസ്.എഫ് ജവാന്മാര് മാവോയിസ്റ്റുകളുമായി ഏറ്റുമുട്ടി. ഛത്തിസ്ഗഡിലെ രാജ്നന്ദ്ഗാവ് ജില്ലയിലെ അഞ്ചു തെരഞ്ഞടുപ്പു മണ്ഡലങ്ങളിലേക്കുള്ള വോട്ടെടുപ്പ് തടസപ്പെട്ടു. ഇവിടങ്ങളിലെ തെരഞ്ഞടുപ്പ് സാമഗ്രികള് നശിപ്പിച്ചു. അന്തഗഢില് നക്സലുകള് ബോംബെറിഞ്ഞു. കാംഗീറില് പോളിംഗ് ഉദ്യോഗസ്ഥര്ക്കു നേരെ ആക്രമം ഉണ്ടായി. സുഗ്മ, ബസ്കര്, നാരായണ്പൂര് എന്നിവിടങ്ങളില് അതീവ ജീഗ്രതാ നിര്ദേശം പുറപ്പെടുവിച്ചിട്ടുണ്ട്.
18 മണ്ഡലങ്ങളിലേക്കുള്ള തെരഞ്ഞെടുപ്പാണ് ഇന്ന് നടക്കുന്നത്. ഞായറാഴ്ച്ച ദണ്ഡകാരണ്യയിലെ ഊന്ധി ഗ്രാമത്തില് പോളിംഗ് ഉദ്യോഗസ്ഥര് സഞ്ചരിച്ചിരുന്ന വാഹനത്തിനു നേരെ ബോംബ് ആക്രമണമുണ്ടാകുകയും സംഭവത്തില് ഒരു സി.ആര്.പി.എഫ് ജവാന് സാരമായി പരിക്കേല്ക്കുകയും ചെയ്തിരുന്നു.
ഒന്നേകാല് ലക്ഷം ഭടന്മാരെയാണ് സുരക്ഷാ ഡ്യൂട്ടിക്കായി നിയോഗിച്ചിരിക്കുന്നത്. മാവോവാദികളുടെ ശക്തികേന്ദ്രമായ ബസ്തറില് മാത്രം 600 കമ്പനി സൈന്യത്തെയാണ് വിന്യസിച്ചിരിക്കുന്നത്. 10 ഹെലിക്കോപ്ടറുകള് ആകാശനിരീക്ഷണം നടത്തുന്നു. പിന്നാക്കജില്ലകളിലെ ഉള്പ്രദേശങ്ങളിലുള്ള 168 പോളിങ് ബൂത്തുകള് കനത്ത സുരക്ഷ അകമ്പടിയില് ജനവാസകേന്ദ്രങ്ങളിലേക്ക് മാറ്റി സ്ഥാപിച്ചിട്ടുണ്ട്
https://www.facebook.com/Malayalivartha
