ഇന്ത്യയിലെ ബാബറി മസ്ജിദ് തകര്‍ത്തതിനു പകരം വീട്ടുമെന്നു ഇസ്ലാമിക് സ്‌റ്റേറ്റ് ഭീഷണി. ഇസ്ലാമിക് സ്‌റ്റേറ്റ് പുറത്തിറക്കിയ പുതിയ വീഡിയോയിലാണ് ഭീഷണി. ഭീതിജനകമായ കാര്യം വീഡിയോ ദൃശ്യത്തില്‍ ഇന്ത്യന്‍ വംശകനാണ് ഇക്കാര്യങ്ങള്‍ തുറന്നു പറയുന്നത് എന്നതാണ്. താനയില്‍ നിന്ന് സിറിയയിലെക്ക് പഠിക്കാന്‍ പോയ എഞ്ചിനീയറിംഗ് വിദ്യാര്‍ത്ഥി ആയ ഫഹദ് തന്‍വീര്‍ ഷെയ്ഖ് ആണ് ഇസ്ലാമിക് സ്‌റ്റേറ്റിന്റെ വീഡിയോയില്‍ ഇക്കാര്യങ്ങള്‍ പറയുന്നത്. അബു അമര്‍ അല്‍ ഹിന്ദി എന്ന പേരില്‍ തുടങ്ങുന്ന ഷെയ്ഖ് താനെയില്‍ നിന്ന് സിറിയയിലേക്ക് പോയി ബോംബ് ആക്രമണത്തില്‍ കൊല്ലപ്പെട്ട ഷഹീം താങ്കിക്ക് ആദരാഞ്ജലിയും അര്‍പ്പിക്കുന്നുണ്ട്.
ആദ്യമായിട്ടാണ് ഇന്ത്യക്കാരെ ഉള്‍പ്പെടുത്തി ഐ.എസ് വീഡിയോ പുറത്തിറക്കുന്നത്. കൂടുതല്‍ ഇന്ത്യക്കാരെ ഐ.എസിലേക്ക് ആകര്‍ഷിക്കുന്നതിനു വേണ്ടിയാണു ഇതെന്ന് അവര്‍ അവകാശപ്പെടുന്നു. ഞങ്ങള്‍ തിരിച്ചു വരും, പക്ഷെ കൈയില്‍ വാളുമായിട്ടായിരിക്കും വരുന്നത് മസ്ജിദിനും , ഗുജറാത്ത്,മുസാഫര്‍ നഗറിലും മുസ്ലീങ്ങളെ കൊന്നോടുക്കിയത്തിനു പകരം വീട്ടുമെന്നുമാണ് വീഡിയോയില്‍ ഉള്ളത്. ഇന്ത്യയിലെ മുസ്ലീങ്ങള്‍ക്കെതിരെ ആക്രമണത്തിനു കാരണക്കാര്‍ ഗോക്കളെ ആരാധിക്കുന്നവരാണ്. ഇതിനു മറുപടി പറയേണ്ടി വരും. രാജ്യം വിട്ട് സിറിയന്‍ സര്‍ക്കാരിനെതിരെ യുദ്ധം ചെയ്യാനും ഇന്ത്യക്കാരോട് ആഹ്വാനം ചെയ്യുന്നുണ്ട്. അടുത്തിടെ സിറിയയില്‍ കൊല്ലപ്പെട്ടവരില്‍ എത്ര ഇന്ത്യക്കാരുണ്ടെന്നു വ്യക്തമല്ല. സിറിയയില്‍ ഐ.എസ് പോരാളികള്‍ക്കിടയില്‍ എത്ര ഇന്ത്യാക്കാര്‍ ഉണ്ടെന്നുള്ള വിവരവും ലഭ്യമായിട്ടില്ല.

https://www.youtube.com/watch?v=3OQtSS78Lw0

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha