ജനങ്ങളുടെ കൈയ്യില് പണമില്ലെങ്കിലും... സമ്പന്നരായ ലോക നേതാക്കളില് പന്ത്രണ്ടാം സ്ഥാനം സോണിയയ്ക്ക്, എലിസബത്ത് രാജ്ഞിയേക്കാള് മുമ്പില്
ഇന്ത്യ ദരിദ്ര നാരായണന്മാരുടെ നാടാണെങ്കിലും ഇന്ത്യയെ ഭരിക്കുന്ന പാര്ട്ടിയുടെ നേതാവ് ലോകത്തെ സമ്പന്നരില് ഏറെ മുമ്പിലാണ്. സമ്പന്നരായ ലോക നേതാക്കളുടെ പട്ടികയില് എഐസിസി അധ്യക്ഷ സോണിയ ഗാന്ധി പന്ത്രണ്ടാം സ്ഥാനത്തെത്തി. അമേരിക്കന് ഓണ്ലൈന് വാര്ത്ത മാധ്യമം ഹഫിംഗ്ടണ് പോസ്റ്റാണ് ഇത് കണ്ടെത്തിയിരിക്കുന്നത്. ഇംഗ്ലണ്ടിലെ എലിസബത്ത് രാജ്ഞി, മൊണാകോ രാജകുമാരന് ആല്ബര്ട്ട്, പശ്ചിമേഷ്യയിലെ സമ്പന്നരാജ്യങ്ങളിലെ മറ്റ് നേതാക്കള് എന്നിവരെയെല്ലാം പിന്നിലാക്കിയാണ് സോണിയ പന്ത്രണ്ടാം സ്ഥാനത്തെത്തിയതെന്ന് ഹഫിംഗ്ടണ് പോസ്റ്റ് നടത്തിയ സര്വേയില് പറയുന്നു.
ലോകത്തിലെ ഏറ്റവും സമ്പന്നരായ 20 നേതാക്കളെ കണ്ടെത്തുകയായിരുന്നു സര്വേയും ലക്ഷ്യം. രാജ്യത്തിന്റെ പ്രതിശീര്ഷ ആഭ്യന്തര വളര്ച്ച നിരക്കും നേതാക്കളുടെ വ്യക്തിഗത ആസ്തികളും തമ്മില് താരതമ്യം ചെയ്തായിരുന്നു സര്വേ. രാജാക്കന്മാര്, വിവിധ രാജ്യങ്ങളിലെ പ്രസിഡന്റുമാര്,സുല്ത്താന്മാര്, രാജ്ഞിമാര് എന്നിവരും പട്ടികയിലുണ്ട്. പട്ടികയില് ഇടം പിടിച്ചവരില് ഏറെയും പുരുഷന്മാരാണ്. 20 പേരില് ഏഴുപേരും പശ്ചിമേഷ്യന് രാജ്യങ്ങളില് നിന്നുള്ളവരാണ്.
പാരമ്പര്യമായി ലഭിച്ച സ്വത്തുക്കളാണ് ചിലരെ സമ്പന്നരാക്കിയതെങ്കില് നിക്ഷേപങ്ങള് വഴിയും അഴിമതിയിലൂടെയുമൊക്കെ സമ്പന്നരായവരാണ് മറ്റുള്ളവരെന്ന് ഹഫിംഗ്ടണ് പോസ്റ്റ് പറയുന്നു. റഷ്യന് പ്രസിഡന്റ് വ്ളാദിമര് പുടിനാണ് പട്ടികയില് ഒന്നാമത്. 12-സ്ഥാനത്ത് ഇടം പിടിച്ച സോണിയയുടെ ആസ്തി 12,000 കോടി രൂപയാണ്. അതേസമയം അമേരിക്കന് പ്രസിഡന്റ് ബരാക് ഒബാമയ്ക്ക് പട്ടികയില് ഇടം കണ്ടെത്താന് കഴിഞ്ഞില്ല. നിരവധി മില്യണ് ഡോളറുകളുടെ ആസ്തി ഒബാമയ്ക്കുണ്ടെങ്കിലും അമേരിക്കയിലെ സമകാലികരായ മറ്റ് നേതാക്കളെ അപേക്ഷിച്ച് സമ്പത്ത് കാര്യത്തില് ഒബാമ സമ്പത്ത് കാര്യത്തില് പിറകിലാണ്. നിലവില് ലഭ്യമായ വിവരങ്ങളുടെ അടിസ്ഥാനത്തിലാണ് ഇപ്പോള് അധികാരത്തിലിരിക്കുന്ന സമ്പന്നരായ ലോകനേതാക്കളുടെ പട്ടിക ഹഫ്പോസ്റ്റ് പുറത്തിറക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
